ئازاد شەوقی ل ساڵا 1929 ل باژێڕێ #هەڤلێر# ژدایک بوویە، ئەو بخوە ل ماڵباتەکە بەرنیاس و دیار یا باژێڕێ #سلێمانی# یە، خوەندنا خوە یا سەرەتایی ل باژێڕێ دیوانییە یا باشوورێ ئیراقێ تمام کرییە و قوناغا ناڤەندی و هەیا تمامیا مەکتەبێ ل باژێڕێ #کەرکووک#ێ بوویە و پشتڕە ژبو خوەندنا پەیمانگەها هونەرێن جوان بەرەف باژێڕێ بەغدایێ چوویە و باوەڕناما وێ بدەست خوەڤە ئیناندییە، بو ماوێ 13 ساڵان سەرپەشتیارێ پەروەردەیی بوویە ل باژێڕێ سلێمانی یێ.
دەستپێکا کارێ هونەری ل پەیمانگەها هونەرێن جوان ل باژێڕێ بەغدایێ دەست بکارێ خوە کرییه، ل ژیانا هونەرییدە ب دەهان پێشانگەهێن بەرکەفتی و پرۆفێشناڵ ڤەکرینە کو تەڤایا تابلۆیێن وی گوزراشت ل جوانیا کوردستانێ و بەرهەم و کارێن کوردەواری دکەن.
ماموستا ئازاد شەوقی ل مەها ئایارا ساڵا 2000 ێ دە توویشی نەساخییا غودەیا لێمفاوی بوویە، سەرباری هندێ کوو پشتی تویش بوونا وی بڤێ نەساخیێ نەشتەرگەری و چارەسەر ژبو هاتە کرن لێ ژبەر ئازارا ڤی دەردەی گەلەک ماندی بوو و کۆمەکا هیوایێن هونەری و مرۆڤایەتی د ناڤەڕاستا مەها ئاب یا ساڵا 2002ێدە ماڵئاڤهیا ئێکجارکی ل ژیانێ کر.
هەندێک لە پێشانگاکانەهێن تایبەت و هەڤبەش یێن ماموستا ئازاد شەوقی:
- 1958 پێشانگەها شێوەکاری یا هەڤبەش تەڤی قوتابیێن وخوە
- 1959 پێشانگەها شێوەکاری یا هەڤبەش تەڤی هونەرمەند خالید سەعید
- 1962 پێشانگەها هەڤبەش ل وڵاتێ ئەڵمانیاییا دەموکرات، ل ڤیستەڤاڵا دەموکراتیێ دە
- 1965 پێشانگەها تایبەتا وی ب خوە ل زانینگەها ئەمەریکی ل بەیرووتێ
- 1973 پێشانگەها تایبەت ل کۆمەڵەیا ڕەوشنبیریا کوردی ل بەغدایێ
- 1981 پێشانگەها تایبەت ل بەغدایێ
- 1992 پێشانگەها تایبەت ل هۆڵا مۆزەخانەیا سلێمانی یێ
- 1993 پێشانگەها ڕێزلێنانا پەرلەمانا هەرێما کوردستانێ ژبو کارێن هونەری
- 1993 پێشانگەها شێوەکاری یا هەڤبەش ل پاریس
- 1997 پێشانگەها ڕێزلێنان یا #پەڕڵەمانی کوردستان#
- 2000 پێشانگەها تایبەتی ل هەڤلێر [1]