ڕۆژا #04-04-1949# ل گوندێ (ئامارا) یێ سەرب باژێڕوکێ (#خەلفەتی#) کو سەر ب باژێڕێ #ڕحا#ی (#ئورفا#) یا باکوورێ کوردستانێ ژدایک بوویە، زانینگەها #ئانکارا# پشکا ڕوپێوی (پیڤان) تمام کرییە.ل قۆناغا زانینگەهێدە ب شۆڕەشگێڕێن چەپ یێن وی سەردەمێ تورکیا وەکە (ماهیر چایان، دەنیز گەزمیش، ئیبراهیم کایپاکایا...) سەرسام دبیت. پشتی کودەتایا سەربازیا ساڵا 1968 ێ گول-لە بارانکرنا شۆڕشگێڕێن چەپ، لسەر بنەمایێ سۆسیالیزم دەست ب کارێ سیاسی دکەت، دبیت ب سەروکێ کۆمەڵەیا خوەندەکارێن شۆڕەشگێڕ (DDKO) ، ل ساڵا 1973 تەڤی چەند شۆڕەشگێڕێن چەپێن کورد و تورک وەکە (شەهید کەمال پیر، محەمەد خیری دورموش، #دوران کاڵکان#، عەلی حەیدەر قەیتان، حەقی قەرار، #جەمیل بایک#، مستەفا قەرەسو...) گرووپەک بناڤێ (ئاپۆچییان) پێکدهینن. هەر لڤان دەماندە تەڤی (کەسیرە یڵدرم) کو ب فاتیمە یا بەرنیاسە ژیانا هەڤژینی یێ پێکدهینن، ل #27-11-1978# ئێکەمین کۆنگرەیا (#پ.ک.ک#) ل گوندێ (#فیس#) یا سەرب باژێڕێ #ئامەد#ێ دبەستن و ب سەروکێ ڤێ پارتێ تێ هەلبژاردن، پێش کودەتایا #12-09-1981# بەرەڤ #شام# کەتەڕێ، پشتڕە ل دۆڵا (بیقاع) یا دناڤبەرا سووریا و لوبنان ئێکەمین ئەکادیمیایا سیاسی و سەربازی دادمەزرینیت و لور ئەندامێن پارتا خوە ب شێوەیەکێ پڕۆفیشناڵ و سیستەماتیک پەروەردە دکەت، ل #15-08-1984# ئێکەمین چالاکیا سەربازی ل دژی دەوڵەتا داگیرکەرا تورک پێکدەهینن کو ب قەڵەمبازیا 15ێ تەباخێ یا بەرنیاسە.
لە #15-02-1999# ب پیلانگێڕییەکا نێڤدەوڵەتی و ب هاریکاریا موساد و CIA و دەزگەهێ هەواڵگریا ئینگلیز و دەوڵەتێن یۆنانستان و ئیتالیا و کینیا ڕادەستی دەوڵەتا تورکیا کرا، ل دەستپێکێ دە دادگەها سەربازیا دەوڵەتا تورک سزایا ل سێدارەدانێ بو دەرک بەلێ لبن فشارا یەکێتیا ئەوروپا و هەڕەشەیا پارتا کرێکارێن کوردستانێ نەچار بوون سزایا وی بو بکەن ب زیندانا هەتاهەتایی، جهێ ئیماژێیە ژبو پڕۆتەستۆ کرنا پیلانگێڕیا 15ی شوباتێ ب دەهان لاوان ئاگر ل جەستەیێ خوە بەردا، ئۆجەلان ل ژیانا سیاسیا خوەدە خودیێ زێتر ل 540 پەڕتووکانە و نوترین بەرهەمێ وی بەرگا پێنجەما (مانیفستۆیا شارستانی و دیمۆکراتیە) . هەنوکە ل هەلومەرجەکێ دژواردە ل زیندانا تاکەکەسی ل دورگەیا ئیمرالی یێ ژیان بسەر دبەت.[1]