ساڵا 1932 ل باژێڕێ #مەهاباد#ێ ژ دایک بوویە. ماوەێ 60 ساڵانە کوو ئامیرێن دووزەلە و نەرمەنایێ لێددەت و ب زیرەکی کارییە ڕێپرتوارێن موزیک و سترانا کوردی یێن باژێڕێن جودایێن وڵاتێن ئێران، #هەرێما کوردستان# و ئیراق و هەروەسا تورکیایێ ب ئامیرێ خوە بژەنیت.
حەسەن دووزەلە ل ژیانا هونەریا خوەدە تەڤی هونەرمەندێن بەرنیاسێن کورد #حەسەن زیرەک#، #محەمەد ماملێ#، #مەلا حسێن عەبدوڵڵازادە# و کومەکا دن ژ سترانبێژێن کورد هەڤکاری کرییە.
ڤی هونەرمەندەی ل ساڵا 1962 هەیا ساڵا 2007 ل بەرنامەیێن جودا یێن ڕادیو و تەلەفزیۆنا ناڤەندا مەهابادێ ب بەردەوامی هەڤکاری کرییە و هەروەسا د هندەک ل فیستەڤاڵێن موزیکا سەرتاسەریا ئیرانێ پشکداری کرییە.
حەسەن دووزەلە ل چارەمین خولا فیستەڤاڵا نێڤ نەتەوییا موزیکا فەجر کوو ساڵانە ب هەلکەفتا سەرکەتنا شوڕەشا ئیسلامییا ئیرانێ تێ ئەنجام دان ل ساڵا 1989 پشکداری کر و پلەیا سێیهەم باشترین ئامێرژەنی فیستەڤاڵێ بدەست خوەڤە ئینا و ژ ئالێ ئەندامێن لیژنەیا ناڤبژیوانێن فیستەڤاڵێ دپلوما فەخری و خەڵاتا برۆنزا فیستەڤاڵێ پێ هاتە دان. هەروەسا ل دووهەمین خولا فیستەڤاڵا موزیکا ئایینی یا ئێرانێ ل ساڵا 2003 وەکە هونەرمەندێ بەرچاڤێ ئایینی یێ ئێرانێ هاتە هەلبژاردن.
هەروەسا لە سێهەمین خولا فیستەڤاڵا دەڤەری یا موزیکا ئێرانێ ل ساڵا 2001 پشکدارییەکە بەرچاڤ کر و ل 20مین خولا فیستەڤاڵا نێڤنەتەویی یا موزیکا فەجر ل ساڵا 2005 د بەرنامەیەکە تایبەتدا بناڤێ شەڤا نای ب ئامیرێ دوزەلە، کۆنسێرتەک پێشکەش کر.
ئەڤ ئامیرژەنێ کورد ل تەرحا تەکریم ئانکو پلانا ڕێزگرتنێ ل هونەرمەندێن ئێرانی ژئالێ وەزارەتا فەرهەنگ و ئیرشادا ئیسلامییا ئێرانێ، مووچەیەکە تایبەت ژبو هاتییە تەرخان کرن و هەنووکە ل ل باژێڕێ مەهابادێ دژیت.
شەهرەزایی و ژێهاتییا حەسەن مستەفاپوور هەیا ڕادەیەکی یە کو خەلکێ کوردستانێ ناسناڤێ حەسەن دووزەلە ژبو وی دیاری کرییە و ئەڤ هونەرمەندە ل باژێڕێن جۆربجۆرێن وڵاتێن دەردوورهەر بڤی ناڤەی تێ ناسین.[1]