محەمەد شەیاع سوودانی، سەرۆک وەزیرانی ئێراق دەستی بە هەوڵێک کردووە بۆ نێوەنگیری لەنێوان پارتی دیموکرات و یەکێتی نیشتمانی، ئەوەش بەپێی ڕاپۆرتێکی ڕۆژنامەی شەرقلئەوسەت.
هەر بەپێی ڕاپۆرتەکە، دوو ڕۆژ لەمەوبەر سوودانی لەگەڵ #قوباد تاڵەبانی# جێگری سەرۆکی حکومەتی هەرێمی کوردستان کۆبووەتەوەو باسی کێشەکانی یەکێتی و پارتی کردووە.
لە ڕاپۆرتەکە ئەوەش هاتووە، پێش قوباد تاڵەبانی، سوودانی لەگەڵ #نێچیرڤان بارزانی# سەرۆکی هەرێم کۆبووتەوە و قسەی لەبارەی هەمان کێشە لەگەڵ ئەویش کردووە.
هەروەها ئەوەش هاتووە، لە کۆبوونەوەی لەگەڵ #مەسرور بارزانی# سەرۆکی حکومەتیش، هەمان پرسی باسکردووەو هەر سێ دیدارەکە سەنتەریان باسکردنی کێشەکانی پارتی و یەکێتی بووە.
ڕاپۆرتەکە ئاشکراشیکردووە، کە سوودانی لەگەڵ هەرسێ بەرپرسەکەی هەرێم، کە سەر بە پارتی و یەکێتین، باسی لەوە کردووە، ئەگەر کێشەکانی ئەوان بەردەوام بێت، ئەوە دەبنە کێشە لە بەردەم هەوڵەکانی حکومەتەکەی بۆ چاکسازی و جەختیکردووەتەوە، دەبێت کێشەکانیان چارەسەر بکەن. [1]