#بېسارانی#
هامسەران سەندەن, هامسەران سەندەن
یەک شەخس یەکجار دڵم لێم سەندەن
شابازەن، تەڕلان، زەریفەن، ڕەندەن
پەی خەمزە و نازش فامم نەمەندەن
گوڵەن، گوڵخونچەن، --- تەمام
هېمای ---، نەیاوان بەکام
سۊسەنەن سۊسەن، تەمام نەشکوفتەن
هەزار دڵ پەرېش یانەی دڵ سوفتەن
سەوڵەن، بەرئامان نە دلېو چەمەن
خەزېنەی شاهان، بەهای ئەو کەمەن
زوڵفان لۇل وەردەن، وستەن بە وەردا
من کەردەن بە قەیس، مدەو بە سەردا
وېڵ وېڵ مەگېڵۇ هەر ڕۊ جە هەردان
ساکن نمەبۇ ساتێ جە دەردان
پەرۍ ئاهۇی وەحش، جە دەست کەردەن ڕەم
ئەرواح لێم سەندەن، نەمەندەن پەنەم
جەیرانەن جەیران، جە ماچین ئامان
نەسیب بەندکەردەن جەی موڵکە دامان
یاڵا بەند ببۊ جەی ئاوەدانی
[1]