هەرێما #عەفرین# ئێک ژ سێ کانتۆنێن ڕوژئاڤایا کوردستانێیە و دەڤەرەکە چیایی یە کو ب بەرهەمێ کشتوکالیا زەیتین یا بەرنیاسە.
عەفرین هەڤ سنوورە دگەل باکوورێ #کوردستان#ێ و ب ئیداری سەر ب پارێزگەها حەلەبێ یە، بەرفرەهییا ڤێ هەرێمێ 3850 کیلومترێن دووجایە و ل 7 باژێروک و 366 گوندان پێکهاتییە و ژمارا ڕونشتڤانێن وێ 525000 کەسن.
زانیاریێن زێدەتر لسەر جوگرافیایا کانتۆنا عەفرین:
- باژێرەکێ ڕوژئاڤایا کوردستانێ یە کو کەتییە پارێزگەها حەلەبێ کو 63 کیلومەتران لە ڤێ پارێزگەهێ یا دویرە. ئەڤ باژێرە لە سنوورێ باکوورێ ڕوژئاڤایا سووریا و ل دەڤەرەکە کویستانی ب ناڤێ #کرمانج# کوو ب عەڕەبی دبێژنێ (جبل الاکراد) کەتییە.
- درێژاهییا ڤێ هەرێمێ 55 کیلومتر و پانی یا وێ 75 کیلومەترن.
- عەفرینێ (366) گوند لسەر پانتاییا (2033)کیلومەتران ل خەو گرتینە.
- بەرفرەهییا وێ (3850)کیلومەترێن دووجانە.
- ب درێژاهییا (119)کیلومەتران لگەل تورکیایێ یا هەڤ سنوورە.
- (50) کیلومتران ل زەریایا نەڤەڕاست یا دویرە.
- ل ملێ باشوورێدە ب درێژاهییا (32)کیلومەتران یا هەڤ سنوورە دگەل بەرەیا نوسڕە یا لوبنانێ
- ژمارا ڕونیشتڤانێن وێ زێدەتر ژ (523528) کەسانە کو ل 7 دەڤەرێن جودادا دژین.
- باژێرۆکێن کانی ل (بلبلە، ڕاجۆ، شەران، مەعبەتلی، شێخ حەدید، عەفرین، جەندەریس) پێکدهێن .
- بلندییا وێ لسەر ئاستێ زەریایێ (256)مەتر ئانکو 840 پێنە.
- ڕونشتڤانێن عەفرینێ کوردن و ب زمانێ کوردییا باکور دئاخڤن.
- سوننیێن حەنەفی، #زەردەشت#ی، عەلەوی ئاینێن وانانە.
- عەفرین یا کەتییە بنارا زنجیرە چیایێن کرمانج و ڕووبارێ عەفرین ل دەف وێ تێدەپڕیت. بلندترین چیایێ وێ چیایێ هەوارەیە کو 1200مەتران ل ئاستێ زەریایێ یا بلندە.
- بەرهەمێ ڤێ دەڤەرێ ل بری زەتینان دوهن و سابینێن زەتینانە کو ل هەر 4 پارچێن کوردستانێ ناڤبانگەک تایبەت هەنە،
عەفرین ژبەر کو دەڤەرەکە کویستانی یە ل ئالێ شیناتی یێ ڤە پلەیا ئێکێ ل سووریایێ بدەست خوەڤە ئینایە و لبەر هندێ گەشتیار د وەرزێ هاڤینێ بو بوهرینا دەمەکێ خوەش دیر ل گەرمایێ قەسدا وێ دکەن.
روژا 20-01-2018ێ دا کەتە بەر ئێرشا درەندانەیا سوپایێ #تورکیا# و چەتەیێن ئیسلامی کو ب داعش ناڤبانگێ خوە دەرکربوو لێ بەلێ عەفرین و شەرڤان و پێشمەرگە ب خورتی هاتن دەنگ و د بەرخوەدانەکە مەردانەدا بو ماوێ 2 مەهان د بەرامبەری وانا دا ڕاوەستان لێ ب مخابنیڤە د ڕوژا 18-03-2018 ئان دا عەفرینێ ئالایێ سپی هەلکر ڕونشتڤانێن وێ ئاوارەبوون و تەڤایا باژێروک و مالێن وێ هاتن تاڵانکرن.[1]