#نێچیرڤان بارزانی#، سەرۆکی هەرێمی کوردستان لە ڕێوڕەسمی ڕێزلێنان لە زانای کورد. #فەریاد فازیل عومەر#، ڕایگەیاند:
- وێنەی کورد و خەڵکی کوردستان، پێشتر تەنیا لە ڕێگەی ڕۆژهەڵاتناسان و کوردناسانی بیانییەوە بۆ گەلانی دیکە گواستراوەتەوە.
- لە باشترین حاڵەتیشدا، وێنەی (جەنگاوەرێکی ئازا) یان پێ بەخشیوین، ئەمەش وێنەیەکی ناکامڵە دەرهەق بە ناسنامە و دەرهەق بە مێژوومان.
- دەبێت جیهانی دەرەوە هزر و بیری کوردی ببینن و بیخوێننەوە، ئەمەش بەر لە هەمووان ئەرکی زانایان، ئەکادیمستان و ڕۆشنبیرانی گەلەکەمانە.
- ئەمڕۆ #24-01-2023# لە سەردەمێکداین کە هیچ چەکێک، هێندەی زانست و زانیاری، کاریگەر نییە بۆ مانەوە و پاراستن و بەهێزبوونمان.
- مانەوە و پێشکەوتنی هەر گەلێک لە جیهان، پەیوەستە بە ئاستی بەرهەم و توانای داهێنانی ڕۆڵەکانییانەوە بە میتۆدی زانستی و سەردەمییانە. [1]