چەند هەڵەیەکی ژیانی هاوسەرگیری هەیە کە ژیانت دەشێوێنێت و پێویستی بە چاککردنەوە هەیە لە حاڵەتێکدا ئەگەر چاک نەکرێت ڕەنگە ببێتە هۆی جیابوونەوە و کۆتایی هێنان بە پەیوەندییەکەتان، هەر بۆیە گرنگە زوو دەستبەرداریان ببیت.
1-ئالودەبوون
ئالودەبوون بە هەر شتێکەوە ژیانت تێکدەدات، ئالودەبوون بە بەکارهێنانی تۆڕە کۆمەڵایەتییەکان، یان جگەرەکێشان، یان بازاڕکردن و کارکردن، هاوشێوەی خیانەت کاریگەریی لەسەر پەیوەندییەکەتان هەیە.
2-گفتوگۆنەکردن
هەمو گفتوگۆیەک کۆتاییەکەی شەڕکردن نییە، گفتوگۆی نەرم دەکرێت ئەنجامی زۆر ئەرێنی لێبکەوێتەوە و لێکتێگەیشتن درووستبێت، پەیوەندییەکەتان زیاتر پتەو دەکات.
3-بینینی هاوسەرەکەت وەکوو دوژمن
پێویستە بزانیت هاوسەرەکەت هاوبەشی ژیانتە نەک دوژمنت، هەربۆیە دوربکەوەرەوە لەوەی هەموو کارێکتان بۆ دژایەتیکردنی یەکتر بێت.
4-ڕێگەدان بەوەی کەسێک بێتە نێوانتانەوە
ڕێگە مەدە لە کاتی تێکچونی پەیوەندی تۆ و هاوسەرەکەت یان بوونی هەر گرفتێک لەنێوان کەسێکی دیکە بێتە نێوانتانەوە، چونکە گرفتەکان قوڵتر دەکاتەوە.
5-بەسەربردنی کاتەکان بە شەڕکردن نەک بە چارەسەرکردن
ئەگەر لە هاوسەرەکەت بەدوای ئەو خاڵانە بگەڕێیت کە تۆ توڕە دەکات، ئەوا چەند خاڵێکی زۆر دەدۆزیتەوە و وادەکات ڕقت لێیبێتەوە، بەڵام ئەگەر بەدوای ئەو خاڵانەدا بگەڕێی کە تۆ دڵخۆش دەکات پەیوەندیتان بەهێز دەبێت، ئەمەش وادەکات لە کاتی ناکۆکی بەدوای چارەسەر بگەڕێیت بۆ چاکبوونەوەی پەیوەندییەکە. [1]