نێزوکی کەلا خوشابێ دوو گوندێد مخینان هەین، ناڤێ یەکی «قەسر» و ناڤێ یەکی «پاکان»، د گوندێ پاکانێدا کێلۆیەکی قەوی زێدە ڕند بناڤێ «بارنیک» هەبوویە و دیسانێ دوی گوندێ پاکانێ، کوڕەکێ مخین جیرانێ بارنیک هەبوویە، لاکین ئەو کوڕ فەقیرولحال بوویە بناڤێ پولو، ئەوی و بارنیکێ حەز ژیەکو دوو دکرن، و هەڤدوو حەباندینە، هەر چەند پولو ڤڕێ دکەنک بابێ کچێ و بارنیکێ ژبۆی خوە دخوەزە، بابێ کچێ نادەت، کو پولو ڕووسە، ئەز کچاخوە نادەمەوی. موددەیەکی بڤی حالی بوری، ژ گوندێ قەسرێ کوڕەکێ خوەیی مال و حال هەبوویە بناڤێ شەمماس، ئەو کوڕ مرۆڤان ڤرێ دکەو بارنیکێ ژبۆی خوەد خوەزە و بابێ بارنیکێ ژی کچێ ددە شەمماس، و شیرینی ڤەدخوەن و نیشان دکەن، ئیجارێ پولو دکەڤە قەسدا کوشتنا شەمماس ی، ئیجارێ پولو دائیم دجەسسینە کولجهەکی ڕاستی شەمماس بێتن و بکوژیتن، لاکین دلێ کچێ بارنیک ژی، دل د پولو دایە، ڕۆژەکێ پولو پرسیار دکە کو شەمماس ژبۆی شولەکێ چوویە هێشەتێ، ئیجارێ پولو تێتە سەر ڕیا شەمماس و دسکنە و دبینە کو شەمماس ب سواری ژوێدا تێتن، لاکین ئەو سوارە و، پولو پەیایە، ئیجارێ پولو گازی دکە کو کوڕو شەمماس تۆ کی کو بەردلکا من بارنیکێ بخوەزی، کاروبارێ خوە بکە یان ئەز دێ ل ڕویێ دنێ خوەش بمینم، یادێ تۆ خوەش بمینی، دچە بەرایکا شەمماس ی دبێژە، کو چ بکەم حەیف کو تو سوار و ئەز پەیامە، ئەم دێ ئیروکە ل ئێرە کفشیایەکو دو بکەن، کانێ بارنیک دگەهیتەکێ، وەکو شەمماس خەبەرا پولو دبهی، ئەو ژی خوە ژ هەسپیدا داڤێ خوارێ و هەردوو ددەنە خەنجەران و بالایەکو دوو دکەن و پێسیرێد هەڤدوو دگرن و یەکو دوو ددەنە بەر خەنجەران و هەردوو بێ حال دکەڤن و تەمام دبن، ئیجارێ جەواب دچتە هەردوو گوندان ژی کو ئەحوال وەها بوویە، ژ هەر دووکناران هاتن و لاشێد وان برن و هەلگرتن، وەکو جەواب گەها کچێ ئێدی ئەو ژی دبێژە کو پاشی پولو من ژین ناڤێ، خەنجەرێ تازی دکەو بسەر دکەڤە خوە دکوژە، ئیجارێ لاشێ بارنیکێ ژی برن ل نک قەبرا پولوی چال کرن، هەر سێ ژی بی مراد چوون.
#مەلا مەحموودی بایەزیدی# [1]
Этот пункт был написан в (کرمانجی - کوردیی سەروو) языке, нажмите на значок
, чтобы открыть элемент на языке оригинала!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Эта статья была прочитана раз 191