بابەت: پزیشکی
ئامادەکردنی: د.# فایەق گوڵپی#
گرێی شێرپەنجەی قۆڵۆن بە گوێرەی شوێن و قەبارە و جۆرەکەی، وە بە گوێرەی قۆناغی گەشەکردنەکەی، نیشانەی نەخۆشی جیاواز درووستدەکات،
شێرپەنجەی لای چەپی قۆڵۆن و ڕێکە، نەخۆشەکە دووچاری سکچون و قەبزی و خوێنبەربوون دەکات،
شێرپەنجەی لای ڕاستی قۆڵۆن بەبێ هەستکردن بە دانانی خوێن لە پیساییدا، نەخۆشەکە دووچاری کەمخوێنی و هەڵئاوسانی سک دەکات.
هەموو شێرپەنجەکان کۆمەڵە مادەیەک دەردەکەن بەهۆیەوە خواردن و هەرسکردنی خۆراک کەم دەکەنەوە، گەشەکردنی خانە و شانەکانی جەستە لاواز دەکەن، نەخۆش دووچاری کەمخوێنی دەکەن.
- شێرپەنجەی لای چەپی قۆڵۆن بە هۆی خوێن بەربوون و خوێندانانەوە نەخۆشەکە دووچاری کەمخوێنی دەکات.
لە شێرپەنجەی لای ڕاستی قۆڵۆندا خوێن بەربوونی ئاشکرا درووست نابێت، نەخۆشەکە لە پیساییەکەیدا خوێن نابینێت، کەچی دووچاری کەمخوێنی دەبێت. هۆکارەکەی ئەوەیە بۆشایی ناو قۆڵۆنی لای ڕاست فراوانە،
شێرپەنجەکە بۆ ماوەیەکی درێژ دەمێنیتەوە بە بێ ئەوەی ڕیخۆڵەبگرێت و نەخۆشەکە دووچاری سکئێشە بکات،
گرێ شێرپەنجەی لای ڕاستی قۆلۆن لە جۆری برینییە، بە بەردەوامی خوێنی کەمی لێدەکێت، خوێنەکە تێکەڵی پیسایی دەبێت و ڕەنگی دەگۆڕدرێت، بە پشکنینی تایبەتی نەبێت خوێنەکە لە پیساییدا نابینرێت.
بۆیە گرنگە هەرکەسێکی بە تەمەن کە دووچاری نەخۆشی کەمخوێنی بوو، گومانی شێرپەنجەی قۆڵۆنی لای ڕاستیشی لێبکریت، بێجگە لە پشکنینەکانی تری کەمخوێنی، پشکنینی قۆڵۆنی لای ڕاستیشی بۆ بکرێت، وەک پشکنینی پیسایی(occult blood)، نازووری قۆڵۆن و هیتر.
باشترین چارەسەریش بۆ کەمخوێنی شێرپەنجەی قۆڵۆن و گرێی شێرپەنجەکە نەشتەرگەرییە.
[1]