د. ناجح محەمەد ئەحمەد ساڵەو 1963 دەگاوگوڵپی پەیڎابیەن، هەر چاگە وەنای سەرەتایش تەمامنان، وەنای دلیٛڕاسەش شارو هەڵەبجەی تەمامنان، ساڵەو 1980-1981 کوٙلێژو پزیشکی ڤێترنەری زانگاو بەغدای هوٙرگیٛرتەن، دماو پەنج ساڵان 1985-1986 بە سەرکەوتەی تەمامنانش، دماو ساڵێ مەرزیایرە، نەلان سەربازی و پەیوەندیش کەردەن هیٛزو پیٛشمەرگەیۆ جە قەرەداخ (ی.ن.ک). پەنج ساڵێ فیٛشتەر سەرەمڕە پیٛشمەرگە بیەن، تا دماو خیٛزیای خەلکو کوردەسانی ئامانوە، ساڵەو 1992 گیٛڵانوە سەرو هەرمانەو ویٛش پیٛسەو پزیشکێ ڤێترنەری، ساڵەو 2012 دەسش کەرد بە هەورامی نویستەی، هامکات کودیچش نویستەن، ساڵەو 2016 یوەم کتیبش بەنامیٛ پانوٙراماو کیمیاوارانو کوردەسانی چاپ کەردەن، ساڵەو 2017 کتیبو کونفرانسو هەورامان ئەشناسایش چاپ کەردەن، ساڵەو 2018 یوەم بەرگو ڕازوانو هەورامی، ساڵەو 2019 دووەم بەرگو ڕازوانو هەورامی، ساڵەو 2020 یەرەم بەرگو ڕازوانو هەورامیش چاپ کەردیٛنیٛ، خوتانو سایتەو هەورامان نێتین https://hewraman.net/ هەرپاسە بلوگفای تایبەو ویٛشەن، ئیسەیچ مسیارو تیلەو یەریٛ زوانو ئینگلیزی ویٛرەگاین جە زانگاو هەڵەبجەینە. پەی کەلک گیٛرتەی جە بابەتە هەورامیەکان متاودیٛ سەردایو سایتەو هەورمان نێتی بکەردیٛ.[1]
Этот пункт был написан в (هەورامی) языке, нажмите на значок
, чтобы открыть элемент на языке оригинала!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Эта статья была прочитана раз 1,151