Bênazir Bhutto,
Serokwezîr, Parlementer, Serokê Partiyê.
Jînenîgarî
Benazir Bhutto (bilêvkirina bi kurdî: Bênazîr Butto, bi urdû û Kurdî di 21ê tîrmeha 1953an de li Keraçî yê hatiye dinê - di 27 . 12 . 2007 an de li Rawalpindiyê miriye) siyasetmedar û serokwezîra pakistanî û seroka Partiya Gelê Pakistanê (Pakistan People Party anko PPP) bû. Di êrîşeke xwekujî de jiyana xwe jidest da.
Ew jina herî pêşîn bû li welatekê îslamî dibû serokwezîr. Bênezîr du caran bû serokwezîra Pakistanê, cara pêşîn li 1988ê û cara duyêm li sala 1993ê. Dema jibo caran pêşîn bûye serokwezîr, piştî 20 mehan ji aliyê serkomar Xulam Îshaq Xan ve bi tawanên berguman yên gendelî û fesadê ji karî hat dûrxistin. Cara duyêm jî piştî sê salan (li sala 1996ê) ji aliyê serkomar Farûq Lexarî ve bi heman tawanan hat dûrxistin.
Bênazîr ji sala 1999ê heta sala 2007ê li derveyî Pakistanê li surgûnê dijiya. Piştî vegeryanê wê jibo welatî, ji aliyê hukmeta leşkirî ya serkomarê niha yê Pakistanê General Pervîz Muşerrefî ve kar û xebatên wê yê siaysî dihatin astengkirin. Ew carekê jibo çend rojan di mala xwe da hat bendkirin û mafê wê yê derkevtina ji mala xwe nebû, dihat astengkirin. Li dawiyê jî, dema xwe jibo propagendeyên wan hilbijartinên giştî yên nû amade dikir ku biryar bû li 5ê befirbara paşîn a 2008ê bihatiban kirin, bi êrîşeka xwekujiyê hat kuştin. Heta niha nehatiye zanîn, ka kujerên wê kî ne. Lê li ser daxwaza Serkomarê Pakistanê Pervez Musharraf ve ji polîsê Brîtanyayê hatiye xwestin ku lêkolînan liser wê bûyerê bikin. Partiya Bênazîrê, Partiya Gelê Pakistanê, dixwazi ku kar kom ango komîteyekî navneteweyî lêkolînan bike. Li goreyê ragehandinên destpêkî yên Polîsê Brîtanyayê polîsê Pakistanê piraniya şûnwarên rûdanê pakij kirine. Ev jî îhtîmala desttê hebûna hukmeta Pakistanê, di wê kiryara kuştinê de zêdetir be.
Bênazîr keça mezin ya serokomarê yê berê Pakistanê Zulfeqar Elî Bhuto ye, Bavê Zulfeqar jî , Sir Shah Nawaz Bhutto bû.
Bav û kalên Zulfeqar jî Sindê û ji malbateka şîa bûn.
Dayika Bênazîrê, Begum Nusret Buhto ji Kurdên Pakistanê ye. Malbata Begum Nusretê jî şîa ne.
Bênazîrê felsefe, siyaset û aborî li Zanîngeha Oxfordê xwandiye.
Wê bawernameyek jî li Zanîngeha Harvardê wergirtiye.
Wê li Pakistaneke nûjen û xwedî demokrasiyeke rojavayî digeriya.
Têkiliyên wê bi DYA û Ewropayê re xurt bûn.
Bi kuştina wê re artêşa Pakistanê herçendî bi fermî şermezarkirinên xwe diyar kir jî, alîgirên Bhutto wekî berpirsiyar artêş dan nîşandan û li seranserî Pakistanê mîtîng û çalakiyên mezin lidarxistin.
Bênazir Butto, Zewîcî bû , ji vê zewacê sê Zarokên xwe hatin dinê, Bilawal Bhutto Zardari, Bakhtawar Bhutto Zardari, Aseefa Bhutto Zardari[1]