ناوەندی ڕاگەیاندن و چاپەمەنی #هەپەگە# لە بارەی چالاکی گەریلاکان و ئۆپڕاسیۆنی سەربازی سوپای تورک ڕاگەیێنراوێکی بڵاو کردەوە کە تێیدا هاتووە:
لە خواکورک شەڕێک قوڕس ڕوویدا
هێزەکانمان لە چوارچێوەی هەنگاوی شەهید باگەر و شەهید ڕۆنیادا، لە 27ی حوزەیران لە دەڤەری چوارچەلای سەر بە هەرێمی زاگرۆس لە دژی سوپای دەوڵەتی تورک چالاکیەکیان ئەنجامدا. لەو چالاکیەدا سەربازێک سزا درا.
1ی تەموز لە کاتژمێر 10:30 خولەک لە دەڤەری ئەرموشی سەر بە هەرێمی خواکورکی سەر بە هەرێمەکانی پاراستنی میدیا لە نێوان هێزەکانی ئێمە و داگیرکەرانی دەوڵەتی تورکدا شەڕێکی قوڕس ڕوویدا. لەو شەڕەدا چەندین سەربازی تورک سزا دران. درونێکی داگیرکەرانیش خرایە خوارەوە. دوو لە هەڤاڵانیشمان بە ناوەکانی ماسیرۆ و شاهۆ کە بە قارەمانانە تا دوا گوللەیان لە دژی داگیرکەران شەڕیان کرد، شەهید بوون.
لە دەرسم ئۆپڕاسیۆنە داگیرکەریەکان بەردەوامن
24ی حوزەیران سوپای دەوڵەتی تورک لە دەڤەری نەینکای سەر بە هەرێمی پولوری دەرسم دەستی بە ئۆپڕاسیۆنێکی داگیرکاری کرد. سوپای دەوڵەتی تورک بە فڕۆکەی جەنگی و هەلیکوپتەر ناوچەکەیان بوردومان کرد. داگیرکەران دوای بوردومانەکە، هێزێکی سەربازی لە ناوچەکە جێگیر کرد و دواتر لە نێوان ئەوان و هێزەکانی ئێمەدا شەڕ و پێکدادان ڕوویدا. لەو شەڕەدا 3 لە هەڤاڵنمان کە بە قارەمانانە شەڕیان کرد، شەهید بوون. ئۆپڕاسیۆنەکە تا ئێستاش بەردەوامە.
هێرشە ئاسمانیەکان
فڕۆکە جەنگیەکانی سوپای دەوڵەتی داگیرکەری تورک بەردەوامە لە هێرشە ئاسمانیەکانی بۆ سەر هەرێمەکانی پاراستنی میدیا و لەم چوارچێوەیەدا؛
2ی تەموز کاتژمێر 20:00 فڕۆکە جەنگیەکان دەڤەری بەکتورای سەر بە هەرێمی حەفتانین و گردی شەهید زناریان بوردومان کرد.
3ی تەموز فڕۆکە جەنگیەکان لە کاتژمێر 10:30 خولەک دەڤەری کوروزەروی هەرێمی زاپ و لە کاتژمێر 17:00 دەڤەری ئەشکەوتی بریندارانیان بوردومان کرد.[1]