بە گۆرەى داتایێن رێڤەبەرییا گشتییا گەشتوگوزارێ پێشبینى دهێتەکرن بۆ رۆژانێن جەژنێ 60 هزار گەشتیار قەستا پارێزگەها #دهۆک# بکەن و کو 30% پترە ژ سالا بۆرى.
عەبدولرەزاق نهێلى، گەشتیارناس (ئەڤرۆ ئێکشەمب 11 ئاب 2019) گۆت: ب هەماهەنگییا گەشتوگوزارێ و کۆمەلا هۆتێل و مۆتێلێن پارێزگەها دهۆک هەموو جهێن ڤەحاوندنا گەشتیاران د ئامادەباشیێ دانە، هەتا راددەیەکێ باش خزمەتگوزاریێن گوزارى هاتینە بەرهەڤکرن هەر چەندە هندەک کێماسى هەنە لێ کاریگەرییەکا وەسا نابن و خودانێن وان جهان بەردەوام بزاڤێ دکەن خزمەتگوزارییان زێدەتر لێ بکەن.
گۆتژى: کەرتێ تایبەت هەتا نوکە شارەزاییەکا وەسا د بوارێ گەشتوگوزارێ دا نینە و کارمەند و رێڤەبەرێن وان بسپۆر نینن و ئەڤێ چەندێ کاریگەرییا خۆ هەبوویە و کێمییا کارەب و ئاڤا ڤەخوارنێ ژى کێماسینە و ب شێوەیەکێ گشتى ریکلامکرنا جهێن بازرگانى ژلایێ خودانێن وان و وەزارەتا باژێڕڤانى و گەشتوگوزارێ کار ل سەر نەهاتییەکرن.
عەبدولرەزاق نهێلى خویاکر ژى: ب گۆرەى داتا و بەرهەڤییان پێشبینى دهێتەکرن رێژەیا هاتنا گەشتیاران بۆ ئەڤ سالە ل رۆژانێن جەژنێ بەراورد دگەل سالا چۆیى نێزیکى 30% زێدەتر لێ بهێت.
ئەڤ گەشتیارناسە دیارکر ل سنۆرێ پارێزگەهێ 800 جهێن گوزارى د ئامادەباشیێ دانە داکو پێشوازیێ ل نێزیکى 60 هزار گەشتیاران بکەن.[1]