$رۆژهەڵاتی کوردستان$
- بەدەستپێکردنی شەپۆلێکی دیکە لە خۆپیشاندانەکان لە ئێران، لە ڕۆژهەڵاتی کوردستانیش بانگەوازیی کرا بۆ خۆپیشاندان لەدژی هەڵئاوسانی ئابوری و گرانی کاڵاکان، حکومەتی ئێرانیش شاری #سنە#ی بەسەربازیکردووە بۆ ڕێگریکردن لە دەستپێکردنی خۆپیشاندانەکان.[4]=KTML_Photo_Begin=https://www.kurdipedia.org/files/relatedfiles/2018/152202/0011.JPG=KTML_Photo_Alt=سڵێمان بادۆشێوە=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/152202/0011.JPG=KTML_Photo_End=
- کۆڵبەرێکی دیکە کوردی خەڵکی یەکێک لە گوندەکانی شاری #سەڵماس# لە سنووری ئەو شارە، بە تەقەی هێزە سنوورپارێزەکان گیانی لە دەست دا. شوناس و ناونیشانی ئەو کۆڵبەرە کوردە، بە #سلێمان بادۆشێوە#، خێزاندار و کوڕی عیسا، خەڵکی گوندی دەرگەی بەخشی کۆساری شاری سەڵماس ڕاگەیەندراوە.[5]
$باشووری کوردستان$
- بەرەبەیانی ئەمڕۆ، فڕۆکە جەنگییەکانی تورکیا، دەستیان بە بۆردوومانکردنی ناوچەی #برادۆست# کردەوە.[3]
- ئاساییشی #هەولێر# تۆمارێکی دەنگ و ڕەنگیی #ئیسماعیل سوسەیی#ی بڵاوکردەوە کە تێیدا دان دەنێت بە پەیوەندییەکانی لەگەڵ #داعش#دا.[3]
- دوای چوار ساڵ لە کۆمەڵکوژیی #شنگال#، بۆ یەکەمجار ڕێوڕەسمی جەژنی چلەی هاوینی کوردانی ئێزدی لە مەزارگەی لالش بەڕێوەچوو.[3]
- بەیانی ئەمڕۆ سوپای تورک باخ و باخچەیەکیان لە گوندی گرەزێرەل لە سنووری #زاخۆ# گوللەباران کردوە و لە ئەنجامدا منداڵێکی ئێزدیی گیانی لەدەستداوە. منداڵەکە تەمەنی 12 ساڵە و ناوی ماهیر عەلی-یە.[4]
$رۆژئاوای کوردستان$
- چەتەکانی گروپی سوڵتان موراد و تابوری 112ی سەر بە ئەنقەرە لە گوندی داملیای ناوچەی ماباتای عەفرین 9 هاووڵاتیانی ڕفاندووە، کە یەکێکیان ژنە. ئەو هاووڵاتییانەی ڕفێندراون بریتین لە: 1 – سەیدۆ سلێمانی هیجی تەمەن 25 ساڵ، 2 – نەواف وەلید عەلۆ تەمەن 18 ساڵ، 3 – ئاڤدار ڕفات عەلۆ تەمەن 18 ساڵ، 4 – چەگەر حسێن عەبدوڵا تەمەن 35 ساڵ، 5 – محەمەد عەلی هیجی عومەر تەمەن 65 ساڵ، 6 – ئەحمەد مەحمود حەمۆ ئەبو جەبەل تەمەن 35 ساڵ، 7 – عەلی تەمەن 65 ساڵ، 8 – فاتمە فەخری عەلی تەمەن 49 ساڵ، 9 – بەخری قادر عەلی تەمەنی 35 ساڵ.[2]
$دەرەوەی کوردستان$
- وەزیری دەرەوەی تورکیا هەڕەشە لە ئەمریکا دەکات و ڕایدەگەیەنێت، هەوڵی سەپاندنی سزا بەسەر دوو وەزیری ئەواندا لەلایەن ئەمریکاوە بێ بەرامبەر نامێنێتەوە.[1]=KTML_Photo_Begin=https://www.kurdipedia.org/files/relatedfiles/2018/152202/0009.JPG=KTML_Photo_Alt=بەڵگەنامەکانی ئەمڕۆ: 02-08-2018، نووسینی دروشمی دژ بە کۆماری ئیسلامی لە شارەکانی ئێران=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/152202/0009.JPG=KTML_Photo_End=
- ڕێکخراوی لێبوردنی نێودەوڵەتی ڕایگەیاند، لە #عەفرین#ی داگیرکراودا مافەکانی مرۆڤ لە ئاستێکی مەترسیداردا پێشێڵ دەکرێت. ڕاشیگەیاند، تورکیا عەفرینی داگیرکردووە بەرپرسی ئەو پێشێلکارییانەیە.[2]
- بنیامین نێتانیاهو لە مەراسیمێکدا بۆ خەڵاتکردنی ئەفسەرە سەربازییەکانی سوپای ئیسرائیل قسەیکرد و ڕایگەیاند: ئەگەر ئێران هەوڵ بدات گەرووی باب ئەلمەندب دابخات، هاوپەیمانییەکی جیهانی لەدژی دەوەستێتەوە کە بێگومان هێزە ئیسرائیلییکانیش ئەندامێکی ئەو هاوپەیمانییە دەبن.[4]
- لە سێیەمین ڕۆژی خۆپیشاندانەکانی هاوڵاتیانی ئێران لەدژی هەڵئاوسانی ئابوری و گرانی کاڵاکان، خۆپیشاندان بەرفراوانتربووە و جگە لە ئەسفەهان و کەرەج، چەندین شاری دیکەشی گرتەوە.[4]
- لەنامەیەکی کراوەی هەڕەشەئامێزدا، سوپای پاسداران بە توندی هۆشداریی دەداتە حەسەن ڕۆحانی سەرکۆماری ئێران و داوای لێدەکات ڕێگە لە داڕووخانی زیاتری بەهای تمەن بگرێت.[1]