وتەبێژی #گەشتوگوزاری سلێمانی# ڕایدەگەیەنێت، تەنها لە یەکەم ڕۆژی جەژنی ڕەمەزاندا زیاتر لە 10 هەزار گەشتیار لە ڕێگەی مەرز و بازگە و فڕۆکەخانەوە ڕوویان لە سلێمانی کردووە.
ئارام شوانی، وتەبێژی بەڕێوەبەرایەتی گەشتوگوزاری سلێمانی بە دواڕۆژی وت تەنها لە یەکەم ڕۆژی جەژنی ڕەمەزاندا واتە 25ی حوزەیران، لە ڕێگەی مەرزی باشماخ و بازگەکانی (عەربەت، تاسڵوجە، کەڵەوانان) و فرۆکەخانەوە 10 هەزار و 548 گەشتیار ڕوویان لە سلێمانی کردووە.
وتیشی لە ماوەی سێ ڕۆژی 22، 23، 24ی حوزەیرانی 2017، لە ڕێگەی مەرزی باشماخ و بازگەکانی (عەربەت، تاسڵوجە، کەڵەوانان) و فڕۆکەخانەوە 19 هەزار 716 گەشتیار ڕوویان لە سلێمانی کردووە.
بەپێی ئامارێکی گەشتوگوزار لە جەژنی ڕەمەزانی ساڵی ڕابردوودا 44 هەزار و 677 گەشتیار ڕوویان لە سلێمانی کردووە، هەروەها لە تەواوی ساڵی ڕابردوودا 728 هەزار و 823 گەشتیار ڕوویان له و شارەی هەرێمی کوردستان کردووە.
26-06-2017
Этот пункт был написан в (کوردیی ناوەڕاست) языке, нажмите на значок
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 4,250