بە گوێرەى قسەى نەبیل مەرسومی شارەزای ئابووری ئێراق، #هەرێمى کوردستان# بەردەوامە لە هەناردەى نەوت، ئەوەش لە ڕێگەى تانکەرەوە و بە ڕێگاى قاچاغ.
هەر بە قسەى نەبیل مەرسومى، لە هەرێمەوە ڕۆژانە نزیکەی 600 تانکەر نەوتی ڕەش لە دەروازەی پەروێزخانەوە دەنێردرێت بۆ ئێران، لەوێشەوە ڕەوانەی بەندەر عەباس و پاشان بازاڕەکانى جیهان دەکرێت.
ئەو شارەزایە ئاشکرایکردووە، ئەو نەوتە لە کێڵگە نەوتییەکانى #حەسیرە#، #چیا سورخ# و #شیواشۆک#ەوە دەردەهێنرێت، کە بەشێکى دەبرێتە پاڵاوتگەکانی کار و لاناز و ئەوى تریش بە شێوەى قاچاغ ڕەوانەى دەرەوە دەکرێت.
ئەو نرخەشى ئاشکراکردووە، کە نەوتەکەى پێدەفرۆشرێت و بە گوێرەى ئەو شارەزایە، نرخى هەر تۆنێکی بە 460 دۆلار دەفرۆشرێت، کە ئەوەش دەکاتە 61 دۆلار بۆ هەر بەرمیلێک نەوتى خاو و ڕەش. [1]