نامۍ: فەرهاد
نازنام: پیرباڵ
ڕۊ پېڎابېیەی: #20-08-1961#
یاگۊ پېڎابېیەی: هەولێر
$ژیۋاینامە$
فەرهاد پیرباڵ خەڵکو شارو (هەولێر) ین، کەسێ ڕۊشنۋیر، نویسەر، پەیجوورکار، مامۊساو زانکۆی، هەر ئەچا شارەنە نیشتەجان.
پیرباڵ، ساڵەو (1984ز) شەهادەنامەو زانکۆیش جە زانکۆو سلېمانی وەرگېرتەن، عەینو ساڵۍ لوانەنە ڕیزو یەکێتی نویسەرا کەشی، ئەچاگە یەکەم کتېبش چاپ کەردەن، کتېبەکە شانۊنامێوەن بە نامۍ (یانەئاوا وڵاتەکەم) . پەی ئانەی خزمەتو سەروازی نەکەرۊن لوان پەی ئێرانی، هەشت مانگۍ چاگە مەنەنۆ، دمایی ڕاو غەریبیش گېرتېنە وەر، یاوان وڵاتو ئەڵمانیای ، ئینجا لوان پەی نەرویجی، بە زەمالەی دراسی یاوان وڵاتو فەرەنسای.
زانکۆ (سۆربون) ی شەهادەو دکتورایش جە (تاریخو ئەدەبی تازەی کوردی) نە وەرگېرتەن، دمای حەفتێوە گېڵانۆ پەی نیشتیمانی، ساڵەو (1994ز) جە زانکۆ هۆلېری پېسە مامۊسای مەرزیانەرە. فەرهاد پیرباڵ پېسە دڵسۊزێ پەی تاریخو میللەتەکەیش هەر دەم کۊششش کەردەن، ئاڎ نەمدران، بەڵام گۆرەتەرین گرفت وەردەمو پیرباڵینە نەیاوانەی خەڵکی بېیەن چەنەش.
فەرهاد پیرباڵ جە ژیوایشەنە دوۍ جارۍ هامسەرگیریش کەردەن، چەنی (تەرزە جاف) ۍ، دماتەر چەنی (ئاڵا دڵشاد) ۍ، بەرهەمو هامسەرگیریەکەیش دوۍ زارۊڵۍ بە نامەکا (تنۆک و ڕۆدان) ی.
پیرباڵ، خاوەنو چڼین بەرهەمە ئەدەبېیان، تاریخ، شېعرە، پەخشان، ڕۊمان، ڕازە، ...هتد.
بەرهەمەکۍ فەرهاد پیرباڵی:
ڕازۍ و ڕۊمانۍ:
* پەتاتەخۆرەکان (کۊمەڵەچیرۆک)
* مولازم تەحسین و شتی تریش
* حەوت وېنەی ڕووتی ژنی جەنابی وەزیر (ڕۆمان)
* سانتیاگۆدی کۊمپۆستێلا
* منداڵباز (ڕۆمان)
* پیاوێکی شەپقە ڕەشی پاڵتۆ ڕەشی پێڵاو شین
* عەبدولڕەحیم ڕەحمی ھەکاری
* ھوتێل ئەورووپا
* حیکایەتەکانی باوکم (ڕۆمان)
* قەبرێکی سێگۊشە (ڕۆمان)
* زمانی حەیزەران
* زێڕی ناو زبڵ
* ڕەئیس ڕەمەزانەکان.
* زار و مارەکان
* چیم دی؟
* ئەو کتېبانەى ژیانیان گۆڕیم
شانۊنامۍ:
* ماڵئاوا ئەی وڵاتەکەم.
* کۊمەڵگای مەدەنی
* بەیانی باش ئەی غەریبی
* باوک (وەرگېڕان)
* سۊزانییە بەڕېزەکە (وەرگېڕان)
* نووسەرێکی گېل
* حەشیشەگرفتکان
* ئەو پیاوەى تەنیا لەکاتى خەودا دنیاى پێ جوان بوو.
هۊرکۊڵنای:
* وېنەی کورد لە ئەرشیفی کوردناسەکاندا
* کورد لە دیدی ڕۊژھەڵات ناسەکانەوە
* چەند نامەیەکی فەڕەنسی
* دەستپێکی سەرھەڵدانی پەخشانی کوردی
* سەرچاوەکانی کوردناسی
* ژەنەراڵ شەریف پاشا
* ئینجیل لە تارېخوی ئەدەبېیاتی کوردیدا.
* کرۆنۆلۆجیای کوردستان
* ڕېبازە ئەدەبییەکان. چاپی یەکەم: (2004ز) چاپی دوەم: (2006ز) .
* ئاڵای کوردستان
* کرۆنۆلۆجیاى هەولێر لە کۆنەوە تاکو (1958ز)
* کرۆنۆلۆجیاى کوردستان (625پ.ز - 1932ز)
* تارېخوى شانۆ لە ئەدەبېیاتى کوردی
* وێستگەکانى تازەبوونەوەى شیعری تورکی
* ڕۊژنامەگەریی کوردیی بە زمانى فەڕەنسی
شېعرە:
* پەناھەندەی ژمارە 33333
* من پیاوێکی عەنتیکەم
* گوڵبژێرێک لە شیعرەکانی ژاک پریڤێر (وەرگېڕان)
* جیاوازییەکانى من و نێوان شێت
* پێنج کتېب و نیو
* خەوننامەی فەرهاد پیرباڵ
* بەڵۍ، من عاشقی فڕوغی فڕوغزادم (ئەزموونى شیعری)
* قورئان، داپیرەگەورەى کتېبان
فیلم:
*حەوت کەم یەک
* بیر
ئا کتېبۍ سەرو فەرهاد پیرباڵی نویسیێنۍ:
* ڕەمز و مەغزا لە چیرۆکەکانى فەرهاد پیرباڵدا - نەریمان عەبدوڵڵا خۆشناو
*چەند چالاکییەکانی فەرهاد پیرباڵ.
پەی فەرهاد پیرباڵی
متەرەی: قەقنەس
هەسارېوە
ئاسمانێ توز گرتە و بۍ مانگ
ئاسمانێ لېڵ و تاڵ.
مریچڵە پاسارییە
زەمینێوە دڕەیجاڕەنە
هیلیانیش دڕەیۍ
دانەش دڕەیۍ
واژێوە سرکە
نیمەش (پەتاتە خۆرەکان) ی ژاوا
نیمەش
کەوتە چېرو تۊزەو پۊستاڵو ملازم موحسینەکا ئارۊی.
چ غەریبێوەن تاریکستانو دڵی هاڵی ئاشنا کوشەکانە،
فەرهاد پیرباڵ.
شاعېر (قەقنەس) فرە خەمبارەن پەی دنیاو ژیوای فەرهادی، ئاڎ بە هەسارېوە غەریب وېناش کەردەن دلۍ ئاسمانێ تۊزاوی و بۍ مانگېنە، بە مریچڵە پاساریێ دلۍ دڕەیجاڕېنە، هەکە سەرش، وارش، چېرش هەر دڕەینۍ. ئاشنا کوشەکۍ چەمېشا بەرایی نمەڎا تاکو فەرهادی بوینا.
ئەسعەد ڕەشید.[1]