بابەت: پەنێلێوە بۍ تۊ
نویستەی: کەشەوان
مەقالەو کاک فەرشیدی ڕۊستەمی جە کونفرانسوو هۆرامان شناسینە سەرو فاڕای ڕۆتوو شېعرۍ بۍ.
تارېخو ئا کەسا ڪە ڕچەماڕۍ بېنۍ و گۊڕانکاریشا ئاردەن ملو شیعرەی هۆرامیېرە.
یانۍ جە ڕۆتی کلاسیک پەی نەوۍ (تازۍ)
جە ئەرەنیشتەکەنە, نامۍ جە کەسایەتێوە برێێ کە زەحمەتی فرەشا کېشتەن پەی شیعرەو هۆرامانی، بەڵام ساڵها دماو نام ئاشنێوە دەسشا ڪەردەن بە واتەی شېعرې تازۍ.
ئیشارەشا ڪەرد ئەوڵین کۊمەڵە شېعرێ کە درێنۍ چاپ، بەڵام بە داخەوە ,نەواتشا دەفتەروو شیعرەکاو جەلیل عەباسی ساڵهای ساڵ تۊزەشا نیشتە وەنە و دەسەڵات چاوەختەنە نازۍ نامۍ چاپوو شېعرۍ کوردی بەری چ یاۋۊ بە هۆرامی.
ئی پەنێلۍ ئەشیام وېت بەرڎێ ڕاوە و نەزەرەت دێ سەرو هەرمانەکۍ فەرشید ڕۊستەمی ، بەڵام بەداخەوە مامۊسا.
قسەکۍ من چەنی کاک فەرشید ڕۊستەمی و کاک هۆرامان ڕۊستەمی, تەنیا دیفاعێ بۍ سەرو حەقانیەتو ماموسێوە کە وەرکەوتەو ماڕای ڕچەو شېعرۍ هۆرامیېن.
یانێ کاک جەلیل (قەقنەس) کە داخەم مەشۊ، وېش غایب بۍ.
دڵم فرە مەنۆ پەی وېم کە تەنیا مەنەبېناوە دلۍ ئۆغڵەمەو کۊمەڵێ ڕەفېقانە جە هەمامێوەنە, با نامۍ هۆرامانانیش سەرۆ بۊ.[1]