Navê pirtûkê: PIRTÛKA TENÊTÎYÊ
Navê nivîskar: #BAWER RÛKEN#
Cihê çapkirina pirtûkê: #Amed#
Navê çapxaneyê: Lîs
Sala çapê: 2019

Jêman, dest bi lêgerîna hezkirîya xwe, hevala xwe û sirdaşa xwe ya winda Hîvayê di rojên tozinî ên Qereqabê de, dike. Toz, xumam, sir, tarîtî û çîrokên ecêb ji pirtûkên qedîm ên ku di quncên Pirtûkxaneya Gel a Qereqabê de hatine jibîrkirin dê bi îşaretan rêya wî ronî bikin. Bi saya bîranîn û yadîgarên Hîvaya winda Jêman dê xwendevanan bi xwe re bibe dalanên tarî ên ku di dîroka Qereqabê de qewimîne. Xwendevan wê li gel Jêman bibe şahide dîrok, hewaya giran û tirsnak ya bajêr, goftûgoyên nivîskarên duziman ên li ser mijarên hevçax û tolhildanên ku di paş derîyên girtî de mane. Di her ronîbûna sirrên li ser Qereqabê de xwendevan dê bi alîyên çîrokjîyana sernixûmandî ya Jêman bihese. Bi vî hawî di her îşaret, rasthatin ango lêgerînan de xwendevan ê li gel Jêman xwe bera nava çîroka sê nifşên malbeteke ku di dîroka Qereqabê de girîng in bide û wê di her çîrokekê de jinûve li ser dîrok û hebûna xwe bifikire.[1]