ناڤ: خەیرەدین
ناڤێ باب: محەمەد
ساڵا ژ دایکبوونێ: 1928
ڕۆژا مرنێ: #14-03-2006#
جهێ ژ دایکبوونێ: #ئاکرێ#
جهێ مرنێ: #هەڤلێر#
$ژیاننامە$
ساڵا 1928ێ ل ئاکرێ و دناڤا مەزارێ شێخ عەبدلعەزیزێ گەیلانی ژدایک بوویە چونکی ل وی دەمی بابێ وی محەمەد یوسف بریکارێ ئەوقافێ بوویە.
ل ساڵێن پێنجەهاندە گەهشتیە ڕێزێن #پارتی دیموکراتی کوردستان# و ئێکەک بویە ژ پێشەنگێن دامەزراندنا پارتی ل دەڤەرا ئاکرێ، پشتی کو پەیوەندی کری ب خودێ لێخوشبووی #سەیدا سالح یوسفی# و #نوری شاوەیس# ل وی دەمی ئەندازیار بوو ل دەڤەرا #موسل# و بەردەوام بوویە ب کارو چالاکیێن حیزبی ب شێوەیەکێ نهینی لسەر دەمێ پاشایێ عیراقێ.
لیوا ماف پەروەر محمد سالح ئاکرەیی د نڤیسینا خوەدە دیارکریە ل #گوڤارا دهوک# ژمارە 4 یا ساڵا 1988 ێ ب ناڤنیشانێ (تعقیب حول ملف ئاکرێ) و تێدا دیار کربوو پشتی شوڕەشا تەمموزێ خەیرەدین هاتیە ڤەگوهاستن ژبو گوندێ فیشخابور و هاتیە دامەزراندن وەکە رێڤەبەر ل بنگەهێ پولیسا (الانعاش الریفی) وناڤبری ل وێرێ ل روژا #12-10-1961#ێ هەستا ب دەستەسەرکرنا هەمی چەک و تەقەمەنیێن بنگەهێ پولیسێ فیشخابور و ب هەفکاریا هەردوو شوڕەشگێرێن برایێن کرستیانی بناڤێ (سومی سلێبا و مەتلوب وردە).
ل دوسیا کەسایەتی یا خودێ لێخوشبوی خەیرەدین هاتیە نڤیسین ب زمانێ عربی ل بەغدا کە (خەیرەدین محەمەد یوسف ئێکەکە ژ ئەندامێن پارتێن ڤەقەتیای و ل دەمێ بزاڤا رزگاریخوازا یا رەوا ئەو ئێکە بوو ژ کارێکتەرێن سەرەکە بو ئەو هێرشا لسەر بنگەهێ پولیس ل فیشخابۆرێ هاتییە کرن و وژبەر ڤێ تاوانا وی ئەنجام دای ئیدی خەیرەدین نە ئێکە ژ فەرمانبەرێن کومارا عیراقێ ونەیێ هەژیە ب شەرفا ئەندامبوونێ یە ) ئەمنا موسل ساڵا1961 ێ و ئەف دەقێ نڤیسینێ د گوڤارا مەتین ژمارا 45 ل ساڵا 1995 ێ هاتیە نڤیساندن.
پشتی دەمەکێ کورت خەیرەدین تێتە دەستەسەرکرن وتێتە رەوانەکرن ژبو بەندیخانا سەربازی یا ژمارە 1 ل سەربازگەها رەشید ل بەغدا و لدویف مادا 80 ێ ژیاسایێن سزایی یا عیراقی کو ل وی دەمی سزا سێدارەدان بویە یانکو زیندانا هەتا هەتایی و پشتی6 مەها تێتە ڤەگوهاستن ژبو گرتیخانا موسل ب مەرەما دەستپێکرنا سزایێ وی و دناڤ بەندیخانێدا خەیرەدین و چەند هەڤالێن وی هەستان ب دروستکرنا شانەیەکا حزبی ب شێوەیەکێ نهینی، بەلێ جهێ داخێ بوو خیانەت و خاین پەیدا دبن بناڤێ #حوسێن زاویتەیی# ئەندامەکێ لیژنا مەحەلی ئاشکرا دکەت ژبو دەسهەلاتێ و لوی دەمیدا پەیوەندیا ڤێ رێکخستنێ دگەل حیزبا خوە ئاشکەرە دکەت بهەفکاریا ئافرەتەکا خەباتکەر بناڤێ #عائیشە محەمەد عبدوللاستی# و لدوماهیێ عائیشا ژی ئاشکرا دبیت، وەکو بەڵگە ئەف چەندە یاهاتیە نڤیساندن ژلایێ #د.عەبدوفەتاح عەلی یەحیا بوتانی# دپەرتوکا خوە یا بەلاڤکری بناڤێ (الحرکة القومية الکرديو التحررية).
پشتی لێخوشبونا سەرتانسەری ژلایێ #عەبدوسەلام محەمەد عارف# ڤە سەروکێ کومارا عیراقێ تێتە ئازاد کرن و پشترە پەیوەندیێ ب خێزان و کورێ خو یێ ساڤا دکەت تەڤی وانا پەیوەندیێ ب شورشێڤە دکەتەڤە ل باژێڕوکێ #رانیە# بارەگایێ مەکتەبا سیاسی و بارزانیێ نەمر ل گوندێ #سەرکەبکان#ێ .
ل مەها ئەیارا ساڵا 1965ێ سەرکردایەتیا شوڕەشێ ئیزگێ دەنگێ کوردستان دامەزراند و بڤێ مەبەستێ خەیرەدین تێتە دامەزراندن وەکو دەستەیا کاروبارێن ئیزگەی وهەروەها وەکو بێژەرێ کورمانجی و ل پەرتوکا مێژویا دەنگێ کوردستانا عیراقێ دە زنجیرا 16 لاپەڕەیا 22 نڤیسەرێ وێ #(وریا جاف)# ئیماژە ب ڤێ چەندێ کرییە.
پشتی کو بو ماوێ 3 ێ ساڵان کار کریە ل ئیزگەهی ، لێک تێگەهشتن دناڤبەرا شوڕەش و حکومەتا عیراقێ دەست پێدکەت وەکو دادوەر تێتە دامەزراندن ل دەڤەرا #ناڤدەشت#، و ل ساڵا 1970 زڤریتەف سەر کارێ خوە وەکە فەرمانبەر ل #زاخو#
و هەیا دوماهیکا ژیانا خوە هەرێ بەردەوام دبیت لسەر رێبازا رەوایا کورد. ل14-03-2006 ێ ل باژێرێ هەڤلێرێ وەغەرا دوماهیێ کر .[1]