بەڕێوەبەرایەتی گشتی تەندرووستی #سلێمانی# ڕایگەیاند: لە ماوەی مانگی ڕابردوودا و لە ڕێکەوتی (1 بۆ #30-04-2023#) لە نەخۆشخانەی د.جەمال ئەحمەد ڕەشیدی منداڵانی فێرکاری لە شاری سلێمانی 20.096 منداڵی نەخۆش لەهەردوو بەشی دەوامی بەیانیان و بەشی ڕاوێژکاری نەخۆشخانەکە بینراون و سەرجەمیان چارەسەری پێویستیان بۆ کراوە 2.246 منداڵ داخڵ کراون. ئاماژەی بەوەشداوە، لە مانگی ڕابردوودا لە نەخۆشخانەی د.جەمال ئەحمەد ڕەشیدی منداڵانی فێرکاری 274 منداڵ لەبەشی نەبەکام داخڵ کراون و 153 منداڵ لەبەشی بەدخۆراکی و 255 منداڵ لەبەشی تیشک و دەمار و 120 منداڵ لەبەشی ڕاهێنانەوەی چارەسەری خۆراک و 20 منداڵ لەبەشی هەرس و جگەر بینراون و 843 حاڵەتی هەناسەتوندی و 19 حاڵەتی گیان لەدەستدانی منداڵ تۆمارکراوە هاوکات ئەوەشی خستەڕوو، مانگی ڕابردوو لە نەخۆشخانەی د.جەمال ئەحمەد ڕەشیدی منداڵانی فێرکاری 18.793 پشکنینی تاقیگەیی جۆراوجۆر و 215 پشکنینی گەشەی هۆرمۆن و 373 سۆنەر و 97 ئیکۆ و 14 نازور ئەنجام دراوە و 697 تیشک گیراوە. [1]