Menaf Osman, di sala 1965an de li Hesekê hatiye dinyayê. Xwendina xwe ya seretayî, navîn û lîse li wir qedandiye. Piştre li Zanîngeha Şamê, Beşa Jeolojiyê xwendiye. Ji ber xebata xwe ya siyasî di sala 1993yan de li Tirkiyeyê hatiye girtin û cezayê muebedê lê hatiye birîn. Niha jî li Girtîgeha Girtî ya Tîpa T a Akhîsar/Manîsa (T-Tipi Kapalı C. Evi-C/20 Akhisar/Manisa) de ye. Ji Frensî û Erebî wergerên wî hene, 7 roman û 2 kitêbê wî yê çîrokan hatine çapkirin; bi tevayî 13 berhemên wı hene. Romana wî ya bi navê Girê Şêran di 2017’an de hatiye qedexekirin. Wek piraya zarokên Serxetî û Binxetî, gelek çîrok di derbarê sînorê di hundirê welatê xwe de bihîstine û ev di berhemên wî de xwe didin der. Xebatên wî yê neçapkirî jî pir in. Heman demê hunermend e, wêneya jî xêz dike. Berga kitêba wî ya bi navê “Sînor” mînakek ji van xebata ye.

Berhemên Menaf Osman
Girê Şêran (roman), Weşanxaneya Aramê, 2003
Şînok (çîrok), Weşanxaneya Lîsê, 2011
Namûsname (roman), Weşanxaneya Aramê, 2012
Silava Bajariyan (çîrok), Weşanxaneya Azad, 2013
Helbestên Xezeblêhatî-Nizar Qebannî (Werger ji Erebî-helbest), Weşanxaneya Azad, 2013
Mîrê Monte Krîsto-Alexandre Dumas(Wergera ji Frensizî-roman), Weşanxaneya Azad, 2014
Piling-Şoreşname-1 (roman), Weşanxaneya Arê, 2015
Sînor (roman) Weşanxaneya Aryenê, 2018
Hezar û Yek Şev-cild 1,2,3,4, (Werger ji Erebî-çîrok) Weşanxaneya Azad, 2018
Lênûska Leyla (Roman), Weşanxaneya Aramê, 2018
Cuhû - Sêbareya Zindane 1 (roman), Weşanxaneya Sîtav, 2019
Sol (roman), Weşanxaneya Aryen, 2021
Hezar û Yek Şev-cild 5,6,7,8 (Werger ji Erebî-çîrok), Weşanxaneya Azad, 2022
Hin berhemên ku li bende çapê ne
Antolojiya Ehmed Hilmî El-Qoxî El-Diyarbekirî, Tîpguhêzî û berhevkirin
Baskên Şikestî(roman-Cubran Xelîl Cubran), werger ji Erebî
Sêwî(Hektor Malot), werger ji Frensî
Belqîz, (helbest-Nizar Qebbanî),Werger ji Erebî
Hezar û Yek Şev-cild 9,10,11,12, Werger ji Erebî
Çûkên Bêbask (helbestên Mahmûd Derwîş), Werger ji Erebî[1]