ناڤ: عەبدال
ناسناڤ: عەبدال ئاکرەیی
ناڤێ بابێ: شەوکەت
ساڵا ژ دایکبوونێ: 1941
$ژیاننامە$
ساڵا 1941 ژدایکبوویە، ل روودانێن بوهارا 1960 چەکێ کوردایەتیێ هەلگرتیە و هەر د وان روودانادا ل ئابا 1960 هەمزە بەگێ پسمامێ وی ب دەستێ جەحشان هاتیە شەهیدکرن. هەتا ئەیلولا 1961 دگەل هژمارەکا نێروەییان ل حکومەتا عێراقێ قاچاخ بووینە. بەری بارزانی ل روشین دەرباز ببیت، ل ناڤ مزوری ژوریان پەیوەندی ب بارزانی کریە، بێی بێهنڤەدان د پرانیا شەرێن وان سالاندا پشکدار بوویە، ل سەرێ پیرسی ل سالا 1963 ب گرانی بریندار بوویە و بو ماوەیەکێ ل شکەفتێن دەڤەرا بارزان بوویە هەتا ژلایێ دکتور مەحمود عوسمان ڤە هاتیە عەمەلیاتکرن.
د شورەشا ئەیلولێدا بێ راوەستان ل دەڤەرێن ئامێدیێ، شێخان، ئاکرێ، دهوک، سوران و بالەکایەتی تاسالا 1975 پێشمەرگایەتی کریە و دەورێ بەرپرسیاتەتیێ ژی هەبوویە.
سالا 1975 ئاوارەی ئیرانێ بویە، دگەل دەستپێکرنا شورەشا گولانێ هەم ژ روویێ رێکخستنا پارتایەتی و هەم وەکو فەرماندەیەکێ پێشمەرگەی چالاک بوویە، پلا ئامر بەتالیونی دگەل هێزا شەهید صبری نێروەیی وەرگرتیە و د شەرێن ناڤدارێن مینا حاجی ئومەران و بالەکایەتی و گردمەند، دولا سیبەرێ و خواکورک دەورێ فەرماندییێ د چەند شەراندا دیتیە، ل سالا 1985 دەما بەرپرسیارێ هێزا پاراستنا پشکەکا م. س و ئێزگێ دەنگێ کودستان بوو ل لولان، برایێ وی محەمەد ئەمین و محسن عەلی دگەلدا شەهید دبن.
دگەل سەرهەلدانێ دگەل هێزا تایبەتیا دگەل جەنابێ سەروک بارزانی بوویە و پاشی بووینە پاسەوانێن م. س و هەتا دوماهی شەرێن بەرگریێ لسەر ئەرکێ خویێ پێشمەرگاتیا راستەقینە و فەرماندەییێ یێ بەردەوام بویە، نها پێشمەرگێ خانەنشینە ب پلا موقەدەم سەرەرای هندێ کو هەڤالێن وی ب پلێن لیوا هاتینە خانەنشینکرن، لێ چ جارا گازندە ژ سەرکردایەتیا خۆ نەکریە.
رولێ بنەمالا وان هەر ژ سالا 1842 ل شورشێن کوردیدا یێ دیارە و باشترین نموونە ژی سێدارەدانا تەتەر بەگێ کورێ عەلی بەگێ و مەجید بەگێ کورێ تەتەر بەگێ دگەل شێخ عەبدولسەلامێ بارزانییە.
تەتەر بەگێ پاش 58 سال و چەند هەیڤەکا ژ ژیێ پێشمەرگاتیێ، مەدالیا بارزانی وەرگرت.[1]