بڕیارە ئەمڕۆ #مەسرور بارزانی# سەرۆکی حکومەتی هەرێم پاڵاوگەی لاناز بەفەڕمی بکاتەوە.
پاڵاوگەکە ماوەی چەند مانگێکە بەگەڕخراوە، حکومەتی هەرێم ڕۆژانە بڕی دوو ملیۆن و نیو لیتر بەنزین لەپاڵاوگەی لاناز دەکڕێت و لە ڕێگەی بەنزینخانەکانەوە بە نرخی 800 دینار دابەش دەکات.
حکومەتی هەرێم، هەر لیترێکی بەنزین لەپاڵاوگەی لاناز بە هەزار و 60 دینار دەکڕێت و بە 780 دینار دەدرێتە بەنزیخانەکان و بەوەش بۆ هەر لیترێک بڕی 280 دینار وەک پاڵپشتی نرخ دەدرێتە پاڵاوگەی لاناز.
ڕۆژانە حکومەت 700 ملیۆن دینار بۆ پاڵپشتی دوو ملیۆن و نیو لیتر خەرج دەکات و لە مانگێکدا بڕی 21 ملیار دینار دەداتە پاڵاوگەکە.
پاڵاوگەی لاناز، لە ساڵی 2008 ەوە دەست بە بنیادنانی کراوە و چەند جارێک کارکردن تێیدا وەستاوە، لە ئەمساڵدا کارەکانی چەند بەشێکی تەواو بووە و ڕۆژانە توانای پاڵاوتنی سەرووی 100 هەزار بەرمیل نەوتی خاوی هەیە. کۆمپانیای یۆپی هەنی ئۆیڵی ئەمریکی کارەکانی دروست کردنی ئەنجامداوە و لە ئێستادا کار لەسەر فراوانکردن و کۆگاکانی دەکرێت بۆ ئەوەی بکرێتە گەورەترین پاڵاوگەی هەرێم.
پاڵاوگەی لاناز، دەکەوێتە سەر ڕێگای (#هەولێر#-گوێر) و ڕۆژانە بڕی 3 ملیۆن لیتر بەنزین بەرهەم دەهێنێت و نەوتی خاوی سووریا و کێڵگەی عەین زالە و جەستان دەپاڵێوێت و جگە لەو بڕەی دەیفرۆشێتە حکومەت نزیکەی نیو ملیۆن لیتر بەشێوەی بازرگانی لە بازاڕەکانی هەرێم دەفرۆشێت. [1]