هەولێر، سۆلین سلێمان
رەیان عەبدولقەهار مامۆستایا زمانێ ئینگلیزی تایبەت بۆ ڕۆژناما ئەڤرۆ ڕاگەهاند، یا ئەم دبینین ژناڤچوونا زمانێ دەیکێ ل قوتابخانێن ەئهلی بەر ب زێدەبوونێ ڤە دچیتن.
مامۆستا ڕەیان سلێمان گۆت: مان وەکی پێناسا جڤاکییە و ئامرازەکێ گەهاندنێیە دناڤبەرا مرۆڤاندا، هەروەسا دیارکر، ئێک ژ ئەگەرێن ژناڤچوونا زمانێ کوردی ل قوتابخانێت ئەهلی ئەوە کو ئەم هەمبەری کلتوور وزمانێ خوە کێم و لاواز دبینین، و ب شاشی سیستەمێ پەروەردا وەلاتێن پێشکەفتی چاڤلێکرنێ دکەین، ئەڤ جورە ئەگەرە زۆر د زێدەبوونێ دایە بۆ نموونە، کەسەێن دەولەمەند زارۆیێ خوە ب کوژمەکێ زۆر یێ پارەی ل قوتابخانەکا ئەهلی دانن بەر خواندنێ و ب شانازی ڤێ چەندێ دبینن، کو زارۆریێ وی ب زمانەکێ بیانێ فێردبیت و دخوینیتن.
مامۆستایا زمانێ ئێنگلیزی دیسان خوەیاکر، ئەگەرەکێ دیتر یێ ژناڤچوونا زمانێ کوردێ خێزانە، کو وەسا هزر دکەن هەکە زاڕۆیێن وانا ب زمانەکێ دیتر باخفیت دێ شێت بسناهی کارەکێ بدەستخوەڤە ئینیتن، ئانکو زمانێ کوردی بزانیت یان نەزانیت چو ئاریشە نابیت، ئەڤ چەندە ژی مەترسیە ل سەر زمان و کلتورێ مە، چونکی دێ بیتە ئەگەرێ دروستبوونا بەربابەکی دبیت چو زانیاری ل سەر کلتور و دیرۆکا خوە نەبیتن، هەروەسا تێکەلبوونا وی ل گەل جڤاکێ دێ بەر ب کێمبوونێ ڤە چیت.
ژئالیەکێ دیتر ڤە ڕەیان خانێ ئاشکراکر وگۆت: ئەگەرەکێ دیتر قوتابخانەیێن ئەهلی نە، کو د ناڤبەرا وانا بخوەدا هەڤڕکی و پێشبڕکی یە کا کی دێ پتر شێت زمانێ بیانێ باشتر و ب هێزتر قوتابی و شاگردێن خوە پتر فێرکەت، کو بەرۆڤاژی زمانێ کوردێ دهێتە پشتگۆه هاڤێتن.
ل دووماهیێ بۆ چارەکرنا ڤێ ئاریشێ ڕەیان سلێمان دبێژیتن، بۆ چارەسەریا ڤێ چەندێ دڤێت وەزارەتا پەروەردێ هەڤسەنگییەکێ دناڤبەرا قوتابخانێن ئەهەلی و حکومی دا پەیدا بکەت، یان هەر چو نەبیتن ڕێکخستنەک هەبیت،چونکی وەزارەتا ناڤبری بتنێ ئه و دەستهەلات هەیە، یان ژی قانوونەک بۆ ڤێ چەندێ بهێتە دانان، یان ژی خوانا ب زمانێ ئینگلیزی ل پۆلێن سەرەتایی ل قۆناغێن (1،2،3) بهێنە پاشئێخستن، بۆ قۆناغێن سەرداتر.[1]