Rojan Hazim ji Hekariya gundê Elkê ye nêzîkî 25 salan e ko dem bi dem, di rojname û kovarên cuda yên kurdî de dinivîse. Baskê nivîskariya wî fireh e: Hem li ser pirs û pirsgirêkên rewşa welat ya polîtîk bi giştî, hem jî li ser dîsa bi giştî ziman, wêje, folklor û çanda kurdî lêkolîn, analîz û komentaran dinivîse. Li milê dî çîrok û novelan jî dinivîse. Helbet carna ji wêjeya cîhanê jî wergeran dike.

Jiyan:
Jidayikbûn 1956
Endamê grûba KURMANCÎ ya Enstîtuya Kurdî ya Parîsê ye. Paralelî nivîskariya xwe, rojnamevaniyê jî dike.
Sala 1989an Weşanxaneya Xanî & Bateyî damezrandiye û heta niha jî edîtoriya wê dike. Ji beriya 1980ê heta niha gelek nivîs, nûçe û wergêrên wî bi navên cuda, di kovar û rojnameyên mîna Nûdem, Huner, Özgür Politika, Ek Politika, 2000´de Yeni Gündem û Hîwa de hatine weşandin. Ji 1980ê heta 1991ê jî redaktoriya rojname û kovarên Roja Gel, Bingeh û Hêza Welatparêz kiriye. Herweha ji 1989an heta niha jî, lêkolîneriya rojnameya KURMANCÎ dike.

Berhem:
Xebatên wî yên ko heta niha di nav weşanên »Weşanxaneya Xanî & Bateyî« û weşanxaneyên dî de hatine weşandin jî ev in:
. Masîvanê Kal û Masiyê Sor, A. Puşkîn, (Wergêr),
. Bilbil, H.C. Andersen, (Wergêr), (Weşanên Hans Reitzels, Danmark),
. Zimanê Çiya, Harold Pinter, (Wergêra M. Uzun, bi redaksiyona R. H.),
. Li ser Evdirehîm Rehmiyê Hekarî
. Stêr, rojnameya Mîr Kamiran Bedir Xan,
. Stran & Sang,
. 6name,
. Pelatînk, H.C. Andersen, (Wergêr),
. Bîranîna Elî Kaşifpûr, Zimanê Wêneya, Kürdistan'a Sevgiler (tirkî), (Weşanên Enstîtuta Kurdî ya Brukselê),
. Bîr û Raman, (W. E. K. ya Brukselê),
. Krîterên Kopenhagê, (W. E. K. ya Brukselê, Kovara Koerden, îlon 2002),
. Paşeroj, (W. E. K. ya Brukselê)
. Devokê Hekariya.[1]