بەرێوبەری نەخۆشخانەی ئاڤرین ڕایگەیاند، کە لە ئەنجامی هێرشەکانی سوپای تورک بۆ سەر #عەفرین# 170 هاوڵاتی شەهیدبوون و 460یش برینداربوون.
جوان محەمەد، بەڕێوبەری نەخۆشخانەی ئاڤرین ئاماری ئەو هاوڵاتییە مەدەنیانەی ئاشکراکرد، کە لە ئەنجامی هێرشەکانی سوپای تورک لە عەفرین شەهید و برینداربوون.
جوان محەمەد، وتی: لە سەرەتای هێرشەکەی سوپای تورکەوە بۆ سەر عەفرین بۆ ئێستا 170 هاوڵاتی شەهیدبوون و 460ی دیکەش بریندابوون، کە زۆربەیان ژن و منداڵان.
وتیشی: لە ئەنجامی بۆردومانێکی سوپای تورک بۆ سەر گوندەکانی سەر سنوور لە خانەوادەیەکی عەرەب 25 کەس کوژراون.
جوان محەمەد وتیشی: بەهۆی بۆردومان و تۆپبارانەکانانەوە بینای چوار نهۆمی ڕووخاوە، هەروەها بەهۆی تپبارانی بەردەوامەوە تیمەکانمان ناتوانن بچنە ناو ناوچە شەڕاوییەکانەوە بۆ ڕزگارکردنی هاوڵاتیان.
لە کۆتاییشدا وتی: ئێمە وەک تیمی تەندروستی 24 کاتژمێری شەو و ڕۆژ کاردەکەین بۆ ڕزگارکردنی گیانی هاوڵاتیان، بانگەوازیی ڕێکخراوە نێودەوڵەتییەکانیش دەکەین، کە بە هانامانەوە بێن و گوێبیستی دەنگمان بن.[1]
#17-02-2018#