Yildiz Çakar (jdb. 1978, li Amedê, Bakurê Kurdistanê) helbestvan, şanonivîs û romannivîs, nivîskar û rojnamevaneke kurd e. Ji sala 2002an vir de li Amedê dijî, endama Komeleya Nivîskarên Kurd û PENa kurd e.
$Jiname$
Yildiz Çakar di sala 1978an de li Amedê ji dayik bûye. Di temenekî ciwan de di rojnameyên bi kurdî û tirkî de peyamhênerî û edîtorî kiriye. Helbestên wê yên ku di navbera salên 1999-2003an de di rojnameya Azadiya Welat û kovara Jiyana Rewşenê de hatine weşandin, di sala 2004an de bi navê Goristana Stêrkan hatine çapkirin. Yek ji endamên damezirîner ên Komeleya Nivîskarên Kurd e û berî komele bê girtin seroka komeleyê bû. Heya niha heft pirtûkên wê hatine weşandin, ku şeş ji wan wêjeyîne.
Gelek helbest, şano û çîrokên Çakarê bo tirkî, erebî, elmanî û îngîlîzî hatine wergandin û hin weşanada de belav bûne
$Berhem$
$Helbest$
Goristana Stêrkan, Weşanên Elma, 2004
Derî, Weşanên Avesta, 2012
Leylanok, Weşanên Avesta, 2014
Kurteçîroka senaryoyan
Ala, Weşanên Yekîtiya Nivîskarên Duhokê, 2008
Lêkolîn, gotar û bend
Amed-Ansiklopediya Erdnîgarî Dîrok Çand, li gel Amed Tîgrîs, Weşanên Şaredariya Bajarê Mezin ya Amedê, 2012
$Roman$
Gerîneka Guernicayê, Weşanên Lîs, 2016
Ev Rê Naçe Bihuştê, Weşanên Lîsê, 2019
Hangar Fünf, Deriyê Winda, Weşanên Lîsê, 2022
$Şano$
Şanoya Kraliyetê ya Shakespeare (Royal Shakespeare Company) re bi navê Çavê Winda monologek
Şanoya Maxîm Gorkî re jî şanoyek bi navê Bîra miriyan nivîsandiye.
Ligel vê yekê ji bo şanoya Theatre EastNBull monologa bi navê Mohra Reş nivîsand. Mohra Reş bi tirkî û bi îngîlîzî hate wergerandin û li festiwala navnetewî (atîna) ya hunerê yek ji metnên ku xelata metna orjînal ya herî baş wergirt.
$Xelat$
Xelata Kurteçîrokên Filîman a NÇM’ya Stembolê bi kurteçîroka xwe ya bi navê Pelweşîna Li Biharê.
Xelata Tîrêjên Zînê bi kurteçîroka xwe ya bi navê Zayîna Çewt.
Xelata Mûsa Anter bi helbesta xwe ya bi navê Tu
Xelata ziman û wêjeyê ya Komeleya Wêjekarên Kurd û Med-Derê.
[1] [2]