قەولێ شەقەسەرێ 2
ب دەستوری خودێ
مەلک فەخرەدین گۆ ; دلێ من ب سێ تشتا نا سۆژی
مرۆڤێ ب حال بت، دەستێ خۆ ب خەنایێ ب رێژی
مرۆڤێ پیرەمێر بت، دەرکوچکێ خۆ رونێت ، دەرهەقێ عالەمێ بێژی
* * *
مەلک فەخرەدین گۆت; ئەز نە بینم وانە
مێرێ ب چتە دیوانە
ل پێ نەچن سفرە و نانە
* * *
هەکه هاڤینە و هەکە زڤستانە
مێرێ چۆ دیوانە، جایزە ل پێ بچن سفرە و نانە
مێرێ ئێزدی ب تە عاشقێ بسلمانە
ئەوی خولی ب سەرێ خۆ کر ب هەردو دەستانە
* * *
کێرێت قەلسا دەرۆ کن
چێلەکێ بەر د رۆ کەن
ژ ئه و پاش شیری ژێ عەرجۆ کەن
* * *
کێرێت قەلسا بەر ب وێنە
مێرا رێ لێ تێنە
بازیا، بازی ژێ د زێنە
* * *
مەلک فەخرەدین گۆت: ئەز نەبینم کالێ ب کەزی
کەچکا بان بان بەزی
حەرمەتا دانگ و دامان رزی
* * *
مەلک فەخرەدین گۆت; کالێ پانێ پند
دەروێشێ رند
مێڤانێ مال ل گوند
* * *
مەلک فەخرەدین گۆت; ئەز نە بینم کالێ ب کەت عنۆش
ئو سۆلا ب بشکۆژ
حەرمەتا بنڤت ب رۆژ
* * *
وەی ل بێ ئەسلێ بێ نەبی
وەختێ د بەر خۆدۆ دبینن کراس و کەڤی
دڤێت ئەوێ ژە کورتە غوولامەکی خۆ هەبی
* * *
وەی ل بێ ئەسلێ بێ سنیانە
گاڤا دەرفەتێ وی د هاتە
نه خەیاله گۆشتێ گیانێ خۆ د پاراتە
* * *
هەکه بێ ئەسل سوار بوو
بسەر سیبەرا خۆ دا خوار بوو
هەکه خودان ئەسل نەدەن هار بوو
* * *
هێسترۆ ئەسلێ تە ژ کەری
دارەکی ، قونێ ، ئێکی سەری
هەر دێ زڤرتە سەر عەسلێ بەری
* * *
هێستر دکەر بابن
ل مەیدانێ را نابن
قەلسا باب قەت چێ نابن
* * *
هەکه قەلسه باب بوون چێیە
رۆژەکە و دووە و سێیە ،
دێ هەر زڤرتە سەر عەسلێ بابێ یە
* * *
مەلک فەخرەدین گۆت ; خودان ئەسلی ئەز ببم گۆری
بێ ئەسل د وەنە وەکی کەرێ ستۆ ب مۆری
ئه و بێ خوندن د هاژۆنە سەرێ ژۆری
* * *
خودان عەسلۆ ! رونێ ل ئالیێ ژێری
عجوبێ نە ئینە سێری
هەکه تو حسکەی ب خۆ بانگ د دێری
* * *
مەلک فەخرەدین گۆت : ژ ملکا ئاش
ئو ژ سنعەتا سمتراش
ئو ل دیوانا مێرێ بەرو باش
* * *
قێرات نە دارە
کیژ نه واره
بەلالسک نه بەها‌ره
* * *
مەلک فەخرەدین گۆت; ئەز نە بینم سێ تشتا
ئولاغا لۆق لۆق
ئو حرمەتا تیق تیقۆک
مێڤان بێژتە مێڤانێ خۆ مە ئێیۆ
خودێ خراب کەت مالێت عەوانا
بێ بەختا ، بەیگۆ ، هوون بێژن ئامین هەڕۆ
ئەم د کێمن خودێ یێ تەمامە. [1]