دوعایا فەجرێ
ب دەستوری خودێ
مێر و مەلەکا دەین مەدەها
ئو خاسێت ناڤا قوبەها
رۆناهی دابو بەرێ سبەها
* * *
رۆناهیت بەرێ سبێ داهر بو
بۆرێ عەبادەتی سوار بو
سەد خۆزیاوی مێری ، ب حەقی راوستا بو
* * *
عاشق و مەعشوق مفته ب دەسته
مه مرازا خو ژوان دخوەسته
وان مرازا خوه ژ حەقی دخوەسته
* * *
یا مێرێت سبێ ، سبەها نوو
یا مەلک شەهید ، یا نەفسا سلتان ئێزید
هەتا ئێک بخوازه ، تو شیخ و ئەز مرید
ئەزی رازیمه ، مەفەرێ مەیه سلتان ئێزید .
* * *
یا مێرێت سبێ سبا “مشۆکلین”
تانج ژ ئەولین هەتا ب ئاخرین
خێرا بده ، شەرا وەرگرین
حەق هەمدڵا “ رەبل ئالامین”
* * *
فەقیر “ئالی” میر ل وەحدانی
یا خودێ دوعایا مه قەبول بکی
ژ دوعایا مۆمێت چاک ، ئەختیارێ مخفی
ل بەر دەرگەهێت خاسا
یاخودێ ئامین !
* * *
شێخادی شێخێ حەقیقەتێ
خودانێ معریفەتێ
زەرب و کەرامەت ژ با ته تێ
* * *
شێخادی شێخەکێ چییه
دانا معریفەت و رێیه
عەرد و عەزمانا خۆش ته دفێیه
* * *
شێخادی شێخە و هنە
بینایا چاڤێت منە
چەند وەسفەت ژێ د چنه
* * *
شێخادی ، مەلک شێخ سن ب شێخیتی قەبلاند
عەرش و کورسی بۆره خەملاند
مێر و ملیاکەتا ل ئەزمانا بۆرا هلهلاند
* * *
شێخادی ل هەستی نەزەر کر
هەستی ژ کەرەمێ نور و نەدەر کر
پەدشایی من ب شفقەت و رەحمەتا خوه کر .
* * *
شێخادی شێخ مقبولە
زەیناندی هەستیێ ستووره
دیوانا شێخادی شفقەت و محبەت و نووره
* * *
شێخادی شێخێ کافێ
ئەولێ وی ل ئەلفێ
لەوح ل مەحفوز ناڤێ خودێ
* * *
شێخادی شێخ بەرکاته
ب وێ نورێکر خەلاته
له و فری ، چۆ سەماواته !
ئەم د کێمن خودێ یێ تەمامه. [1]