وەک کەڵەشێری ناوەخت وایە
ئەم ئیدیۆمە بۆ کەسێک بەکاردێت، کە هەموو ئیشێکی لە ناوختدا بێت و لە کاتی خۆیدا کارەکانی جێبەجێ نەکات، بۆی هەیە ئەم جۆرە کردەوانەش زیانی پێ بگەیەنێت. لەم ئیدیۆمەدا، کەڵک لە بیرۆکەی (کەڵەشێر) وەرگیراوە، کەوا باوە بەیانیان زوو لە کاتێکی دیاریکراودا دەخوێنێت، بەڵام ئەگەر کەڵەشێر لە ناوەختدا خوێندی، نیشانەی شومییە و لەوانەیە، سەری یەکێک بخوات، یان کارەساتێک ڕوو بدات، بۆیە یەکسەر ئەو کەڵەشێرە سەردەبڕن و دەیکەنە بەڵاگێڕی ئەو ماڵە، بە تایبەتیی خاوەن و گەورەی خێزانەکە، جا لەو کاتەدا، دەگوترێت: کەڵەشێر لە ناوەختدا بخوێنێت، سەری خۆی دەخوات.
هەروەها هەر لەسەر کەڵەشێر، یان کەڵەباب، لە هەندێک شێوەزاری دیکەدا، ئیدیۆمی دیکەش هەیە، وەک:
پیاو کەڵەبابە لەسەر ژنێ حیسابە.
وەک کەڵەشێری سەر بارە دارە.
ئەگەر کەڵەشێرش نەبێت، خوا ڕۆژی خۆی هەر دەکاتەوە. [1]
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 916
Scrivi il tuo commento su questo articolo!