ئەگەر دیسان
خوا لاویمان بداتەوە
وەک خەڵاتێکی ئاسمانی،
ئەگەر سروشت
پڕاوپڕمان بکاتەوە
لە کڵپەو گڕ، شێتی و جوانی :
ئەمجارەیان،
لە پێناوتا
کام بەر حەرامە – ئەو دەخۆم،
کامە یاسا ئاسمانیە – ئەو دەشکێنم.
ئەمجارەیان
لم و لیتەی بنی دەریاش حەشارت دا
وەک مرواری دەرتدێنم.
خۆم ڕادەستی قەدەر ناکەم،
دنیاش دەستم لێ بەربدا
هەرگیز دەستت لێ بەرنادەم
عبدوڵا پەشێو
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,123