کتکی کۆر نمەکیان ناکات
لە کرمانجی سەروو دا بە(پشیله) دەوترێت(کتک) و کوێر-یش لە شێوەزار وئاخێوەرانی ناوچەکانی کۆیە و هەولێر و قەراج و کەندێناوە و شەمامک و مولکیە و دزەییاتی و قوشتەپە به(کۆر) گۆ دەکرێت، هەرچەندە وشەی(نمەک) لە ئێستای زمانی فارسیدا بەمانای(خوێ)دێت، بەڵام لەبەری ئەوەی زمانی کوردی و فارسی و تاجیکی و ئەفغانی لە بنەچەدا سەر بەیەک خێزانی زمانین کە خێزانە زمانی (هیندۆ-ئێرانی)ە، دەشێت، ئەم وشەیە لە نێوان هەردوو زماندا هاوبەش بێت، لە زمانی کوردیدا، دوچاری گۆڕانی بوبێتەوە و لە(نمەک)ەوه، کە (تامی خوێ) دەگەیەنێت، واتاکەی فروان بوبێت بۆ هەموو جۆرە خواردنێک. هەمان حاڵەتی خوێش لە ئیدۆمێکی تردا کورد بەکاریهێناوە بۆ نمونە دەوترێت(نانمان بێ خوێیە) وەک ئەوە بڵێیت:(نانمان بێ نمەکە)، کەواتە له و ئیدیۆمەی سەرەوە(کتکی کۆر نمەکیان ناکات) واتە پشیلەی کوێر تامی نانیان ناکات، یان گێچکەنان(وورتکە نان) لەماڵیاندا ناپچڕێنێت، ئەمە بووە بە ئیدیۆم بەکەسی (ڕەزیل) و ڕژد و قرچۆک و دەست قوچاو وپیسکە و پوڵ پەرست و (سەقیل) دەوترێت: کتکی کۆر نمەکیان ناکات.[1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 530