ئێوارەی دوێنێ (#25-08-2017#) لە گوندی (#گوندەژوور#)ی ناوچەی #باڵەکایەتی#، لەرووداوێکی نەخوازراودا، دوو هەڤاڵی یەکێتی بەناوەکانی (فەرمان و لوقمان ئەسکەندەر) لەناو باخ و ڕەزی خۆیاندا بەهۆی هەڵەشەیی و پابەندنەبوون بەیاساوە لەلایەن ژمارەیەک چەکدار بەناهەق شەهیدکران و دوو برای تریشیان بریندارکران.
لەکاتێکدا پرسەو سەرەخۆشی ئاڕاستەی بنەماڵەی (عومەر ئاغای گوندەژووری) دەکەین، کە لەبنەماڵە تێکۆشەر و نیشتمانپەروەرەکانی ناوچەی باڵەکایەتی-ین، بەتوندی ئیدانەی ئەو دەستدرێژیانە دەکەین و بەدەستدرێژی بۆ سەر سەروەری یاسا و مافی هاووڵاتیانی کوردستانی دەزانین.
ناوچەی باڵەکاتی، کە هەمیشە لە شۆڕشەکانی گەلی کوردستاندا پێشەنگ بووە لە قوربانیدان و خەبات، دوو ساڵە بەهۆی بوونی بارەگای ئەو هێزە چەکدارانەوە گوندنیشن و جوتیارەکانی ڕووبەروی بۆردومان بوونەتەوەو ڕەزو باخەکانیان سووتاوەو زیانی زۆریان پێگەیشتووە.
#یەکێتیی نیشتمانیی کوردستان#، لەبەرامبەر هەر دەستدرێژی و ستەمکردنێک لەهەڤاڵەکانی بێدەنگ نابێت و دەبێت ئەنجامدەرانی ئەم تاوانە بەزووترین کات دادگایی بکرێن و وەک تاوانبار سزای سەرپێچی و تاوانەکانیان وەربگرن و ئەم کێشەیە لەبنەڕەتەوە چارەسەر بکرێ.
پێمانوایە ئەمجۆرە ڕەوشە عەسکەریە لەلایەن هێزەکانی بەشەکانی کوردستانەوە، لەخزمەتی ئاشتەوایی نیە و لەگەڵ دۆخی سیاسی و ئیقلیمی باشووری کوردستاندا ناگونجێ.
راگەیاندنی مەکتەبی سیاسی
یەکێتیی نیشتمانیی کوردستان[1]
26-08-2017
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 9,472
Scrivi il tuo commento su questo articolo!