دواڕۆژ، کۆچەر عەلی
وەزیری کشتوکاڵی هەرێم ڕایدەگەیەنێت، ڕێکخراوی یۆنسکو بەهاوبەشیی لەگەڵ حکومەتی هەرێم و حکومەتی فیدراڵ بە بڕی شەش ملیۆن و 640 هەزار دۆلار پڕۆژەی ئاوی ژێر زەوی جێبەجێ دەکات.
عەبدولستار مەجید، وەزیری کشتوکاڵی هەرێم بەدواڕۆژی ڕاگەیاند، ڕێکخراوی یۆنسکو بە هاوبەشیی لەگەڵ حکومەتی هەرێم و حکومەتی فیدراڵ و چەند کۆمپانیایەکی پسپۆر بە دوو قۆناغ پرۆژەیەکی گرنگ بۆ ئاوی ژێرزەوی جێبەجێ دەکات.
وەزیری کشتوکاڵ وتیشی لە قۆناغی یەکەمدا بەبڕی640 هەزار دۆلار پڕۆژەکە ئەنجام دەدرێت کە بڕی پارەکە لەلایەن یەکێتیی ئەوروپاوە دابینکراوه و لە قوناغی دووەمیشدا بە بڕی پێنج ملیۆن دۆلار لەسەر بوودجەی یەکێتیی ئەوروپا جێبەجێ دەکرێت.
عەبدولستار مەجید، ئاماژەی بەوەشکرد، قۆناغی دووەمی پرۆژەکە لە مانگی ئوکتوبەری 2017، کۆتایی پێدێت و لە هەمانکاتدا پرۆژەیەکی تریش بۆ ئاوی ژێرزەوی کە بوودجەکەی زیاتر لە یەک ملیون دۆلارە لە لایەن ڕێکخراوی یۆنسکۆ و حکومەتی هەرێم لەسەر بوودجەی ئاژانسی پەرەپێدانی سویسری جێبەجێ دەکرێت.
21-07-2017
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 4,143
Scrivi il tuo commento su questo articolo!