کێخوا (وەسمان یوسف مەلاک ئیلنجاغی).
لەدایک بووی ساڵی 1897 لە گوندی (ئیلنجاغی گەورەی شێخانیانی) دەڤەری کۆیە.
کەسایەتی و ڕیش سپی و پیاوماقوڵی ناوچەی کۆیە و نێو شێخانیەکانی کۆیە بووە. خاوەن دیوەخان بووە و هەمیشە میوان دۆست و دیوەخانی قەرەباڵغ بووە. کێخوا وەسمان لەسەر ئاستی دەڤەری کۆیە کەسایەتی و پیاوماقوڵ بووە هەر بۆیەش کاتێک ساڵی (1962) خوالێخۆشبوو (مەلا مستەفا بارزانی) بۆئەوەی لەڕێگای پیاوماقوڵ و ڕیش سپی و سەرۆک هۆزەکانەوە لەشکر پێکبهێنێت و (دەستە و پەل و لق و بەتالیۆن و هێز)یان لێ درووست بکات بۆ ئەم مەبەستە هەڵبژاردن لە گوندەکانی (قەزای کۆیە) و (ناحیەی تەقتەق) کرا زیاتر لە (22) گوند بەتایبەتی ئەو گوندانەی سەر بە ناحیەی (تەقتەق) بوون و کەوتوونەتە بەری ڕۆژئاوای ڕێگای گشتی (کۆیە - تەقتەق) بە تێکڕای دەنگ (کێخوا وەسمان)یان وەکو ڕیش سپی و براگەورەی خۆیان هەڵبژارد بێگومان ئەم متمانە بەخشینە لەخۆڕانەبووە و دەرئەنجامی ئەوە بووە کە هەمیشە دەرگای ماڵەکەی کراوە بووە بۆ هەموو چین و توێژەکان کە ڕێیان کەوتبێتە لای ئەو بەڕوویەکی خۆشەوە میوانداری کردوون و بەڕێزەوە بەڕێێ کردوون. ساڵی 1985 کۆچی دوایی کردوە و لە شاری (کۆیە) بەخاک سپێردراوە.
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 13,945
Scrivi il tuo commento su questo articolo!