ب دەستووری خودێ
قەولێ ئوسڤێ نەبیا
ئەو برایێ نە ب تەرە
تیرەکە بێ پەرە
پاڤێژە و ل پێ مەرە
***
ئەو برایێ بێ ئێقینە
ژێ جودابە و نە حەبینە
کانیا دێم فایدە نینە
***
مەدح و سەنە ژ ئەردا
لایقین بکەن گەردا
مە ژ ئاقوبی خەبەردا
***
نەخشا سورەتا ئوسف خودێ چێکر
و ئەو ناڤێ شرینی شرین لێکر
سەییری و سەیران تێکر
***
ئەوان دەھ کورا گرتبون قارە
ول ئوسڤ گرتبون رک و نەیارە
گۆتن بلا ئوسڤ نەمینت ل ڤان وارە
***
ئەڤان کورا کربونە قەستان
د بەر ئاقوبی ڤە د وەستان
گۆتن یا بابۆ ئوسڤ نێچیر ژ مە د خوەستان
***
ئاقوب بۆ وان کورا گۆت :
گەلی کوڕا ھون خودێ د حەبینن
ئوسڤ بەری رۆژ ئاڤا ژ منڕا بینن
***
ئەو چونە راڤێ و پێدا
بیرەک دیتن ل دەڤێ رێدا
ب دەستێ ئوسڤ گرتن و ھاڤێتنە تێدا
***
بەلێ خودێ وە تکرە فروارە
وێ گاڤێ ئەمین جبراییل دھنارە
ئوسڤ دبنێ بیرێدا ل بەرەکی دکرە سوارە
***
ئەوان کوڕا چۆن راڤکرن
و گورەک دیتن و زنجیرکرن
وکوشتن و پێ کراسێ ئوسڤ خوونکرن
***
نەبی ئاقوب دەنگەک د ھلانی
کانێ ئوسڤێ منی کەنعانی
کانێ جەھوەرێ منی ئەلەمانی
***
ھاوار و سەد ھاوارە
گۆتن یا بابۆ ئەم مژول بوین ل ئاقارە
مەدیت گورەکی ئوسڤ بر و دخوارە
***
نەبی ئاقوب دەنگەک رادھشتە
چ قاس گور ل بەڕیێ و چیای و دەشتە
ھەموو دھاتنە ل بەر ئاقوب و دوەستە
***
ھاتن گورێت کەر و لالە
ل مەنزلی پێنچ سەد سالە
چ قاس میھ و بەرخ ل وە حەلالە
ھەکە وە ژ ئوسڤ ھەیە ھەوالە
***
گورا سوند د خوارن ب تەمامی
چەند جز و ھەنە ب کتێب و کەلامی
مە ھایی ئوسڤ نینە ب چو عەلامی
***
گور سوند دخون ب کۆڤە
و سەد جز و ھەیە ب مسکۆڤە
مە ھایی ئوسڤ نینە یی ب کوڤە
***
گور دبێژن :
رانێ مە یی شکەستیبت
و قرکا مە بڕیبت
ھەکە مە گۆشتێ ئوسڤ گەستیبت
***
یێ تەمام خودێ یە.[1]