لەساڵی 2018 لەسنووری ئیدارەی ڕاپەرین 4 هەزارو سێ سەدو پانزە ڕووداوی جۆراوجۆر تۆمارکراوە کە بەهۆی ڕووداوەکانەوە 128 هاووڵاتی گیانیان لەدەست داوە و 37 تۆمەتباریش لەچوارچێوەی کاری هاوبەشدا ڕادەستی بەرێوەبەرایەتی پۆلیسی #هەولێر# کراونتەوە.
شۆرش ئیسماعیل وتەبێژی بەرێوەبەرایەتی پۆلیسی ڕاپەرین، لەکۆنفرانسێکی ڕۆژنامەوانیدا ئامارەکانی ساڵی 2018 ی سنووری ئیدارەی ڕاپەرین-ی ڕاگەیاند: لە ساڵی 2018 چوارهەزار و سێ سەدو پانزە ڕووداوی جۆراوجۆر تۆمارکراون و لەورێژەیەش 2 هەزارو حەوسەدو هەشتاو نۆ ڕووداویان لە سنووری شارۆچکەی #ڕانیە# و هەزار و 527 ڕووداویشیان لەسنووری قەزای پشدەر بووە و لەکۆی ڕوداوەکانی سنووری ئیدارەی ڕاپەرینیش 128 هاووڵاتی گیانیان لەدەست داوەو 955 هاووڵاتییش برینداربوون.
وتەبێژی پۆلیسی ڕاپەرین ڕاشیگەیاند: بەهۆی ڕووداوەکانەوە دووهەزارو 111هاووڵاتی دەستگیرکراون و بەگشتیش 144 تۆمەتبار تاوەکو ئێستا دەستگیرنەکراون و دۆسیەکانیان بەکراوەیی ماوەتەوەو هەوڵەکان بۆ دەستگیرکردنیان بەدەوامی هەیە.[1]
#01-01-2019#
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 1,913