هەرچەندە ئەنجومەنی ئاسایشی نەتەوەیەکگرتووەکان بڕیاری ژمارە 2401ی بۆ ئاگربەست لە سووریای پەسەند کردووە، بەڵام سوپای تورکیا بەردەوامە لە دڕندایەتیی خۆی دژی هەرێمی #عەفرین# و بڕیارە نێونەتەوەییەکان پشتگوێ دەخات. سوپای تورکیای داگیرکەر هەموو تەکنەلۆژیایەکی سەربازی بە ئامانجی قڕکردنی گەلی عەفرین بەکاردێنێت. لەبەرئەوە هێزەکانی ئێمە ناچار بوون مافی خۆپاراستنی ڕەوا بەکاربێنن و وەڵامی هێرشەکانی داگیرکەران بدەنەوە.
شاری عەفرین
لە شەوی ڕابردووەوە دەوڵەتی تورکیای داگیرکەر بە چەکی قورس و فڕۆکەکانی درێژە بە هێرشەکانی لەسەر زۆرینەی گەڕەکەکانی شاری عەفرین دەدات. دەیانەوێ هاوڵاتیانی سیڤیل ناچار بکەن واری خۆیان بەجێبهێڵن.
لە ئەنجامی بۆمباراندا، ژمارەیەکی زۆری سیڤیل شەهید و بریندار بوون (زۆرینەیان ژن و منداڵن). هێرشەکان بە تۆپ و فڕۆکە لەسەر ناوەندی شار بەردەوامن.
هەروەها لە شەوی ڕابردووەوه گەڕەکی ئەشرەفیە و گوندەکانی تل توێل و جومکێ-ی سەر بە شاری عەفرین بە چەکی قورس و فڕۆکەکان بۆردومان دەکرێن.
شێراوا
دوێنێ لە گوندەکانی شادیا و خەزاویێ، لەنێوان هێزەکانمان و سوپای تورکیای داگیرکەر تا ئێوارە شەڕ بەردەوام بوو. لە ئەنجامی ئه و شەڕە سەختەدا 14 سەرباز و چەتە کوژران.
شەرا
لە بەرەی گوندی مەیدانکێ شەڕێکی سەخت لەنێوان هێزەکانمان و سوپای تورکیای داگیرکەر بێ ناوبڕ بەردەوامە.
دوێنێ شەڕڤانانی ئێمە ئۆتۆمبێلێکی سەربازیی داگیرکەرانیان کردە ئامانج، لە ئەنجامدا ئۆتۆمبێلەکە بەتەواوی تێکشکێندرا و هەموو ئه و سەربازانەی لەنێویدا بوون، کوژران.
شەڕ لەم بەرەیە تا بەرەبەیانی بەردەوام بوو، هێزەکانمان گورزی قورسیان لە داگیرکەران دا.[1]
#15-03-2018#