ئەندامێکی مەکتەبی سیاسیی یەکێتیی ڕایدەگەیەنێت: یەکێتی باوەڕی بەهەڵبژاردن هەیە وەک کۆڵەگەیەکی دیموکراسی و نە لە هەرێم و نە لە ئێراقیش سازش لەسەر ژیان و گوزەرانی خەڵک ناکات و نەیکردووە
د.#جوا ئیحسان#، ئەندامی مەکتەبی سیاسی #یەکێتیی نیشتمانیی کوردستان# لە چاوپێکەوتنێکدا لەگەڵ ماڵپەڕی ڕەسمی یەکێتی ڕایگەیاندووە، یەکێتی باوەڕی بەهەڵبژاردن هەیە وەک کۆڵەگەیەکی دیموکراسی و بەهیچ جۆرێک نابێتە بەربەست و باوەڕی بەدەستا و دەستکردنی ئاشتیانەی دەسەڵات هەیە، بەڵام یەکێتی بۆ هەڵبژاردنی پەڕڵەمانی کوردستان داوای ڕەوای هەیە کە پاککردنەوەی تۆماری دەنگدەران و پرسی کۆمسیۆن و یاسای هەڵبژاردنێکی گونجاو دایە کە بێگەردی پڕۆسەکە گەرەنتی بکات. ئەو ئەندامەی مەکتەبی سیاسیی یەکێتی دەشڵێت، یەکێتی نە لە هەرێم و نە لە ئێراقیش سازش لەسەر ژیان و گوزەرانی خەڵک ناکات و نەیکردووە، ئەم پەیامە زۆر ڕوونە و سەرۆک #بافڵ تاڵەبانی# سەرۆکی یەکێتی بە ئاشکرا ڕایگەیاندووە و بە پراکتیکیش کاری پێدەکات. [1]
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 516 gånger