دوای بڵاوبوونەوەی هەواڵی دەستدرێژی کردنە سەر ژنێکی کوردی خاوەن پێداویستی تایبەت لە نزیک بازگەی پردێ و دەستگیرکردنی دوو کەس لە ئەنجامدەرانی ئەو تاوانە قێزەونە، دکتۆر بەشیر خەلیل حەداد، جێگری سەرۆکی ئەنجوومەنی نوێنەرانی عێراق به تونديی ئيدانەی ئەو تاوانه دڕندانەیە دەکات و داوا دەکات، ئەنجامدەرانی ئەو تاوانە بەتوندترین شێوە سزا بدرێن.
جێگری سەرۆکی ئەنجوومەنی نوێنەرانی عێراق به نوسراوێکی فەرمی داوا لە حکومەتی فیدراڵ دەکات، بەپەلە لیژنەیەکی تایبەت لەسەر ئەو بابەتە پێکهێنێت و لێکۆڵینەوەی ورد لەو ڕووداوە بکات و پەرلەمانتارانی پارێزگای #کەرکووک#یشی ڕاسپارد، بەدواداچوون بۆ ئەو ڕووداوە بکەن و چادوێری لێکۆڵینەوەکان بکەن.
جێگری سەرۆکی ئەنجوومەنی نوێنەرانی عێراق ئاماژە بەوەش دەکات، ئەو تاوانە کارێکی زۆر نامرۆڤانە و قێزەونە و شکاندنی کەرامەتی هاوڵاتیانی کوردی ناوچەکەیە و پێویستە هەوڵی جدديی بۆ گەڕانەوەی هێزی پێشمەرگە بۆ ناوچە کوردستانیەکانی دەرەوەی ئیدارەی هەرێم بدرێت، ئەوەش بۆ پاراستنی گيان و ماڵ و شەرەفی هاوڵاتیان و ڕێگە نەدرێت ڕووداوی لەو شێوەیە دووبارە ببێتەوە.
نوسینگەی ڕاگەیاندنی جێگری سەرۆکی ئەنجوومەنی نوێنەرانی عێراق
#10-04-2020#
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 2,910 gånger
Skriv din kommentar om den här artikeln !