درۆيەک ماڵەک ئاوەدان بکاتەوە باشترە لەڕاستيەک ماڵێک کاول بکات
درۆ بەيەکێک لە خراپترين ئەدگار و خەسڵەتەکانی مرۆڤايەتی دادەنرێت، سەرباری ئەمەش هەندێجار مرۆڤ وەک دەرمانێکی کاتی بەکاريدەهێنێت، درۆ هەر ماڵوێرانی بەدواوەيە کەچی له و ئيديۆمەدا ماڵێکی ئاوەدانکردۆتەوە و ڕاستيش هەر سەرکەوتوو بووە کەچی له و پەندەدا بووە بەمايەی وێرانکردنی ماڵێک، هەڵبەت ئەم پەند و ئيديۆمە بۆ هەندێ حاڵەتی کۆمەڵايەتی و پێکەوە ژيان لەبارە و لەهەموو ئان و زەمانێ درۆ هەر خراپە و تەنها و تەنهای نەبێت وەک له و ئيديۆمەدا هەيە بۆ نمونە بتەوێت(ژن و مێرد يان دوو دۆست يان خوشک و برا و هاوسێ تاد) کە زيز بوون چاکبکەيتەوە هەندێجار دەخوازرێت درۆيەک بکەيت بۆ پێکەوەژيان و ئاوەدانکردنەوە، نمونەيەکيتر ئەگەر بەڕاستی دياردەيەکی کۆمەڵايەتی و لادان ببينيت و بە گەواهيدەرت دابنێن سوڕ بزانی بە ووتنی ڕاستيەکە کوڕێک يان کچێک يان پياوێک يان ژنێک دەکوژرێت يان جيابونەوە و تەڵاقی لێ بکەوێتەوە ڕاستيەکە خوار بکەيتەوە ئه و ئيديۆمە بەکاردەهێنرێت و دەوترێت(درۆيەک ماڵەک ئاوەدان بکاتەوە باشترە لەڕاستيەک ماڵێک کاول بکات).
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 1,069 gånger