دواڕۆژ، بورهان یەحیا
رێڤەبەرێ ڤێتەرنەریێ ل پارێزگەها دهۆک راگەهاند، پشتى گەلەک بزاڤان ئه و ئابلۆقەیا لسەر بەرهەمێ مریشکێ هەرێمێ ل پارێزگەهێن ئیراقێ هەبوو هاتییە راکرن و نوکە بەرهەم دچیته پارێزگەهێن ئیراقێ.
د. دیار تەیب، رێڤەبەرێ ڤێتەرنەریێ ل پارێزگەها دهۆک بۆ دواڕۆژ راگەهاند پێشتر ب بەهانەیا هەبوونا نەخۆشییا پەرسیڤا بالندەیان ل هەرێما کوردستانێ رێڤەبەرییا گشتییا ڤێتەرنەریێ ل وەزارەتا چاندنا ئیراقێ بڕیار دابوو کو ب چ رەنگەکى بەرهەمێ پارێزگەهێن هەرێمێ دەربازى ئیراقێ نەبیت و ب ڤى رەنگى زیان گەهشتبوو جۆتیارێن هەرێمێ و پشتى بزاڤێن بەردەوام و رادەستکرنا دیکیۆمێنتان لسەر ساخلەمییا بەرهەمێ کوردى نوکە ئه و بڕیار هاتییە راوەستاندن و بەرهەمێ مریشکێ هەرێمێ دچیتە ئیراقێ.
گۆتژى وەزارەتا چاندنا ئیراقێ چەندن لژنەیێن دووڤچۆنێ بۆ هەرێمێ و پارێزگەها دهۆک هنارتبوون بۆ هندێ دووڤچۆنا هەبوونا نەخۆشییا پەرسیڤا بالندەیان بکەن و پشتى بۆ وان دیاربووى کو چ نموونەیێن ب ڤى رەنگى نەهاتینە تۆمارکرن ئێدى وەزارەتا چاندنا ئیراقێ ئه و بڕیار هەلوەشاند.
دیارکر ژى ل سالا چۆیى ژ پارێزگەها دهۆک 5 ملیۆن مریشک و 125 ملیۆن هێک هاتینە بەرهەمئینان و 75% ژێ بۆ پارێزگەهێن ناڤەراست و ژۆرییا ئیراقێ هاتینە هنارتن.[1]
#06-04-2018#
Denna post har skrivits in (کرمانجی) språk, klicka på ikonen
för att öppna objektet på originalspråket!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Denna post har tittat 3,556 gånger
Skriv din kommentar om den här artikeln !