پۆلیسی پارێزگای #دهۆک# ڕایگەیاند کە لە ساڵی ڕابردوودا 91 حاڵەتی کوشتن و لێدانی ژنان تۆمار کراوە، جگە لەوەش 120 کەس بە تۆمەتی جۆراوجۆر دەستگیر کراون.
پێشنیوەڕۆی ئەمرۆ، بەڕێوەبەرایەتی پۆلیسی دهۆک ئاماری تاوانەکانی ساڵی ڕابردووی پارێزگای دهۆکی لە کۆنگرەیەکی ڕۆژنامەوانیدا بڵاو کردەوە.
ڕائید هێمن سلێمان، وتەبێژی پۆلیسی دهۆک ڕایگەیاند: لە ماوەی ساڵی 2017دا، 120 کەس بە تۆمەتی جۆراوجۆر دەستگیر کراون، هاوکات سێ حاڵەتی کوشتنی پیاوان تۆمار کراون.
وتەبێژەکەی پۆلیسی دهۆک ڕایشیگەیاند: لە ماوەی ساڵی ڕابردوودا، 91 حاڵەتی توندوتیژی دژی ژنان تۆمار کراون کە 13 حاڵەتیان کوشتن بووە و 78 حاڵەتیشیان توندوتیژی جەستەیی بووە.
هەروەها وتیشی: 500 حاڵەتی دزیکردن تۆمار کراوە کە تێیدا 16 حاڵەت دزینی ئۆتۆمبیل بووە، هاوکات 1200 حاڵەتی تەڵەکەبازی و فێڵکردن تۆمار کراوە.[1]
#04-01-2018#