بەرپرسی دەستەی کارگێڕیی مەکتەبی سیاسیی #پارتی دیموکراتی کوردستان#، پێشوازیی لە کونسوڵی گشتیی نوێی بەریتانیا کرد، لە دانیشتنەکەیاندا، کونسوڵی گشتیی بەریتانیا ئاماژەی بەوە دا کە سەقامگیری و ئارامیی هەرێمی کوردستانیان بەلاوە گرنگە.
ئەمڕۆ #21-02-2023#، لە بارەگای مەکتەبی سیاسیی پارتی دیموکراتی کوردستان، #فازڵ میرانی#، بەرپرسی دەستەی کارگێڕیی مەکتەبی سیاسی، پێشوازیی لە کونسوڵی گشتیی نوێی بەریتانیا، ڕۆزی کەیڤ و شاندی یاوەری کرد.
لە دانیشتنێکدا وێڕای بەخێرهاتنی میوانیان، فازڵ میرانی پیرۆزبایی لە کونسوڵی گشتیی نوێی بەریتانیا لە هەرێمی کوردستان ڕۆزی کەیڤ کرد، بە بۆنەی دەستبەکاربوونی وەک کونسوڵی گشتیی بەریتانیا و هیوای سەرکەوتنی بۆ خواست لە ڕاپەڕاندنی ئەرکەکانیدا بەو ئومێدەی کە بتوانێت ڕۆڵی خۆی لە بەهێزکردنی پەیوەندییەکانی نێوان هەرێمی کوردستان و بەریتانیا ببینێت و ئامادەیی پارتی دیموکراتی کوردستانی دەربڕی بۆ هەرجۆرە هاوکارییەک.
بەرپرسی دەستەی کارگێڕیی مەکتەبی سیاسی، سوپاسی دەیڤید هەنت، کونسوڵی گشتیی پێشووی بەریتانیای کرد بە بۆنەی کارەکانییەوە.
دواتر دواین پێشهاتە سیاسی و ئابوورییەکانی هەرێمی کوردستان و ئێراق و پەیوەندییەکانی نێوان هەرێمی کوردستان و #بەغدا# پرسی هەڵبژاردنی پەڕڵەمانی کوردستان و پەیوەندییەکانی هەرێمی کوردستان و شانشینی یەکگرتووی بەریتانیا تەوەرێکی تری دیدارەکە بوون.
هەر لە دیدارەکەدا ڕۆزی کەیڤ سوپاسی مەکتەبی سیاسیی کرد بۆ ئەم پێشوازییە گەرمەی لێیان کراوە و خۆشحاڵیی خۆی دەربڕی بۆ کارکردن لەگەڵ هەرێمی کوردستان و ئاماژەی بەوە دا کە ئارامی و سەقامگیریی هەرێمی کوردستان و ئێراق بەلای ئێمەوە زۆر گرنگە. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 302 keer bekeken
Schrijf uw commentaar over dit item!