دکتۆر شوان ئازاد، پزیشکی پسپۆڕی منداڵان، لە ڕێگەی هەژماری تایبەتیی خۆی، لە تۆڕی کۆمەڵایەتیی (فەیسبووک)، بابەتێکی تەندرووستیی بڵاو کردووەتەوە و هۆشداری دەداتە دایک و باوکان، کە چۆن منداڵەکانیان لە تابلێتەکان دوور بخەنەوە.
ئەو پزیشکە دەڵێت: لەگەڵ دەستپێکردنەوەی پشووی هاوینی قوتابخانەکان، دووبارە منداڵان دەست بە بەکارهێنانی تابلێت و ئامێرە زیرەکەکان دەکەنەوە، کێشەی گەورەى سەردەم، ئاڵوودەبوونی مرۆڤایەتییە بە گەورە و بچووکەوە بە تەکنۆلۆژیا و ئامێرەکان، دەبێ ڕێگای جێگرەوە بگرینە بەر تا منداڵانمان کەمتر چاو و مێشکیان لەسەر تابلێتەکان دابنێن.
=KTML_Bold=د. شوان بۆ چارەسەرکردنی ئەم کێشەیە، چەند خاڵێکی خستووەتە ڕوو، کە بریتین لە:=KTML_End=
1 - دەکرێ منداڵان بنێردرێنە خولە هاوینییەکان (وەرزشی، هونەری، زانستی، زمان، ئایینی....)
ئەگەر خولە وەرزشییەکان وەرگرین بە نموونە، چەند باسی سوودەکانی بکەین هێشتا هەر کەمە، بە وەرزش منداڵ جەستە و بەرگری و ئێسک و مێشکی بەهێز دەبێت، هەروەها وای لێ دەکات وزەیەکی زۆر سەرف بکات و هیلاک بێت و شەوان زوو خەوی بێت و بخەوێت، خەوتنی زووی شەوان، واتە گەشەیەکی سەد لە سەدی سرووشتی و درێژبوونی باڵای منداڵ.
2 - بردنی منداڵ بۆ پارک و باخچەکان و بەسەربردنی کات لە کەشێکی پاکی تەندرووست، هەفتەی چەند ڕۆژێک دووبارە بکرێتەوە. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 352 keer bekeken
Schrijf uw commentaar over dit item!