ئەوەی کە لەو ڕۆژانەدا لە پەڕڵەمانی ئێراقدا لەسەر یاسای بودجە بینرا دەریخست کە کورد چەند لێکترازراوە و زیاتر لە هەمووان پێویستی بە یەکگرتن هەیە، کورد پێویستی بە سیاسەتێکی کوردستانیانەی سەرو حزبایەتی هەیە، پێویستی بە کەسانی باش و بە توانا هەیە کە بتوانن سیاسیانە و نیشتمانیانە و یاسایانە کوردستان بەڕێوە ببەن و بەرگری لە مافی گەلی کوردستان بکەن.
کە بینیم مووچەی پێشمەرگە لە نیو میلیون دینارەوە دەست پێ دەکات و مووچەی سەربازانی ئێراقی و حەشدی شەعبی لە سەرووی یەک میلیون دینارەوە دەست پێ دەکات دڵم پڕ بوو لە خەم، ئێمە کە نەتوانین بەرگری لە مووچەی پێشمەرگە بکەین کە بەشدار بووە لە ڕوخاندنی ڕژێمی بەعس و بوونیادنانی ئەو ڕژێمەی ئێستای ئێراق و شکاندنی داعش، چۆن دەتوانین بەرگری لە مافی تێکڕای گەلی کوردستان بکەین.
پارتی و یەکێتی کە دوو هێزی سەرەکین کە هەر خەریکی تەخوین کردنی یەکتری بن، سیاسەت و پلانیان تەنیا لە دژایەتی کردنی یەکتر قەتیس کردبێتەوە، هەر یەک لەوانە پێیان وابێت کە ئەوی تریان شکاند سەربەخۆی کوردیان وەدەست هێناوە، حزبەکانی تریش وا بیر دەکەنەوە کە پارتی و یەکێتی بشکێنن کورد سەر دەکەوێت، غافل لەوەن کە هەموویان دەشکێن و ژێر دەکەون.
با چیتر گلەیی لە برایانی عەرەب و تورک و فارس نەکەین زۆربەی لەوەی بەسەرمان دێت خەتای خۆمانە، ئێمە کە ڕێز لە خۆمان و دامەزراوەکانمان نەگرین بۆ چاوەڕوان بین خەڵکی تر ڕێزمان بگرێت. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 449 keer bekeken
Schrijf uw commentaar over dit item!