ل ژێر ناڤنیشانا قەلەمەک ب بەروکا قەلات و منارێ دا سەنتەرا دەستنڤیسخانەیا سەروکاتییا زانکوییا سەڵاحەدینێ ب چاڤدێرییا د. کامەران یونس سەروکێ زانکوویێ دیدارەکە زانستی ل هۆلا کۆلێژا ئەندازیاری ڤێ زانکوویێ ڕێکخست.
د. عەبدوڵا شێخ مستەفا نەقشبەندی ژدایک بوویێ ساڵا 1924 ل #هەڤلێر#ێیە، پسپوورێ یاسایی و ئابووری بوویە، باوەڕناما ماستەر ل زانکوویا ئەزهەرا مسڕی و باوەڕناما دکتۆرایێ ل زانکۆیا لەندەنا بەریتانیایێ ل ساڵا 1959 بدەست خوەڤە ئیناندییە، تێزا وی یا دکتۆرایێ لسەر (نشاە اصل الاجماع فی النظریە العامە للقانون الاسلامی و الرومانی) بوویە کو ئێکەمین وەڵاتی یێ عیراقێ بوویە د وی سەرەمەیدە باوەڕناما دکتورایێ ل وی زانکویەی وەربگریت. بو ماوێ چەندەها ساڵان ماموستایێ یاسا بوویە ل زانکویا موستەنسەڕییە و مامۆستایێ وانەبێژ بییە ل زانکویا بەغدایێ.
ل ساڵا 2000 ێ دە وەغەرا داویێ کرییە.
د ڤێ دیدارێدە شیعرا کلاسیکییا کوردی ب شێوەزارا هەڤلێری ژ دیوانا (دەستە گوڵی هەرشەمی) ژ ئالێ پ.ی. #فەرهاد حەسەن عەزیز# ماموستایێ زمانێ کوردی ل زانکویا سەڵاحەدینێ هاتە پێشکەش کرن.
ئامانجێن کۆنفرانسێ:
- ڤەگەڕاندنا سامانێ زانستی و کولتورێ کوردی ژبو ناڤەندێن زانستی.
- بدیڤداچوون ژبو بیر و بوچوون و بەرهەمێن د. عەبدوڵا نەقشبەندی بو موکوم کرنا پەیوەندیێن دناڤبەرا دەزگەهێن زانستی و دەزگەهێن حوکمڕانیێ ل کورستانێ ب تایبەت ل ڕوانگەها یاسایی ڤە.
- هزر و بوچونێن ناڤبری ژبو ئیرۆیا کوموڵگەها کوردی و نەخاسمە وڵاتێن ئیسلامی جهێ تێڕوانینی و گرنگی پێدانێە، بدیفدا چوون و ئاخافتن لسەر، دەرگەهەکێ باشە ژبوو تێزێن دکتوراێێ بوو زانا و پسپورێن مە کو ئەکادمییەتا خووە باشتر و ڕوونتر دەربخەن.
- ئەڤ دیدارە سەرەڕایا هندێ کوو دەرفەت ژبوو بدیفدا چوونان زێدەتر دێ چێبکەت دهەمان دەمدا دبیتە دەرگەهەک ژبوو پسپوریێن جوداێن دناڤا زانکویێ، کوو ئەڤ کەسایەتییە ببیتە بابەتێ تێزێن ماستەر و دکتورایێ.[1]