بابەت: ئەدەبی
ناوەرۆک: ڕەوانبێژی
ناونیشان: لێکچواندن
ئامادەکردنی: #سەریاس ئەحمەد#
$لێکچواندن$
ئەم هونەرە لەسەر بنەمای بەراورد داڕژاوە بۆ ڕوونکردنەوە و چەسپاندنی سیفەتی شتێک لەگەڵ شتێکی تر بەراورد دەکرێت، کە سیفەتە مەبەستەکەی تیادا زاڵە.
وەک:-
دڵم هەر وەک سەماوە پڕ لە خۆشە
خەریکی سۆز و گریان و خرۆشە (ناری)
*بنەماکانی لێکچواندن ئەمانەن(لێچوو، لەوچوو، ئەوزار، ڕووی لێکچوون)
*بەهێزترین لێکچواندن ئەوەیە کە تەنیا (لێچوو، لەوچوو)ی تیادایە.
وەک:-
برۆ و ڕووخسار و زوڵف و لێوی ئاڵت
شە و و ڕۆژ و هیلال و عەقد و مەرجان
*ئەوزارەکان ئەمانە:-
{وەک، وەکو، هەروەکو، ئەڵێی، چەشنی، ئاسا، ترح، تەرز، چوون، عەینی، میسلی، لە-ئەچی، لە-ئەکا. پاشگری (انە).
هەر کەسێ ڕووی تۆ دەبینێ،خۆی بە قوربانت دەکا
چونکە ئەبرۆی تۆ هیلالی عیدە،قوربانی دەوێ
(حەزرەتی نالی)
واتە:هەر کەسێ ڕووی تۆ دەبینێ یەکسەر خۆی دەکا بە قوربانی ڕووت، چونکە ڕووت لە مانگی چواردە ئەچێ و برۆشت لە مانگی یەک شەوەی جەژنی قوربان دەچێ کە خەڵک زۆر بە پەرۆشن بۆ بینینی و هەر کا بینیان خۆیان حازر دەکەن بۆ قوربانی کردن و تێ ئەگەن کە گەیشتونەتە ڕۆژانی جەژن.
[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 2,516 keer bekeken
Schrijf uw commentaar over dit item!